एसवाई प्यानलको शेयर नेप्सेमा सूचीकृत
वि.सं.२०८२ मंसिर २३ मंगलवार
काठमाडौं । मंगलबार, नेपाल स्टक एक्सचेञ्ज (नेप्से) मा एसवाई प्यानल नेपाल लिमिटेडको शेयर सूचीकृत भएको छ। यस दिन नेप्सेमा कम्पनीको १ कराड ३० लख ८१ हजार ३७१ कित्ता शेयर सूचीकृत भएको हो।
कम्पनीले सर्वसाधारणमा वितरण गरेको ५२ लाख ३२ हजार ५४८ कित्ता र संस्थापक शेयरधनीहरुले लगानी गरेको ७८ लाख ४८ हजार ८२३ कित्ता शेयर गरि कुल १ करोड ३० लाख ८१ हजार ३७१ कित्ता शेयर नेप्सेमा सूचीकृत भएको हो।
पहिलो कारोबारका लागि नेप्सेले कम्पनीलाई १०६ रुपयाँ ६१ पैसादेखि ३१९ रुपैयाँ ८३ पैसासम्मको ओपनिङ्ग रेञ्ज प्रदान गरेको छ। सोही रेञ्जका आधारमा भोली अर्थात बुधबारको स्पेशल प्रि ओपन सेसनमा कारोबार भएपश्चात नियमित बजारमा कारोबार हुनेछ। नेप्सेले कम्पनीलाई (SYPNL) स्टक टिकर प्रदान गरेको छ।
प्रकाशित समय : १७:५९ बजे
