एचआईडिसिएलले हकप्रद शेयर निष्कासन गर्ने
वि.सं.२०७८ जेठ ९ आइतवार
काठमाडौं । हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी लिमिटेड (एचआईडिसिएल) लाई नेपाल धितोपत्र बोर्डले हकप्रद शेयर निष्कासन गर्नका लागि अनुमति दिएको छ ।
कम्पनीलाई १ बराबर १ अनुपातमा हकप्रद निष्कासन गर्न बोर्डले आज अनुमति दिएको हो । कम्पनीले प्रति कित्ता १०० अंकित दरका ११ करोड कित्ता हकप्रद शेयर निष्कासन गर्नेछ ।
हकप्रद शेयर निष्कासन तथा विक्री प्रबन्धक ग्लोबल आइएमई क्यापिटल लिमिटेड रहेको छ । यस कम्पनीले हकप्रद निस्कासनको लागि चैत १२ गते धितोपत्र बोर्डमा निवेदन पेश गरेको थियो ।
२०७८ जेठ ९ गते प्रकाशित ।
प्रकाशित समय : १५:५६ बजे
