वेष्ट फाइनान्सको साढे १ लाख कित्ता शेयर बिक्रीमा
वि.सं.२०८१ पुस १० बुधवार
काठमाडौं । वेष्ट फाइनान्स कम्पनी लिमिटेडले साढे १ लाख कित्ता शेयर बिक्रीमा राखेको छ ।
आजदेखि कम्पनीले संस्थापक शेयरधनीको स्वामित्व रहेको १ लाख ४५ हजार ४५० कित्ता संस्थापक शेयर बिक्रीमा राखेको हो ।
नेपाल राष्ट्र बैंकबाट जारी भएको एकीकृत निर्देशन अनुसार यो शेयर खरिदका लागि कम्पनीका संस्थापक शेयरधनीहरूलाई पहिलो प्राथमिकता दिनु पर्ने भएकाले उक्त शेयर विद्यमान संस्थापक शेयरधनीहरूका लागि बिक्रीमा राखिएको कम्पनीले जनाएको छ ।
निर्धारत समयभित्र शेयर खरिदका लागि विद्यमान संस्थापक शेयरधनीहरूबाट कुनै आवेलदन प्राप्त नभएमा अन्य व्यक्ति तथा संस्थालाई बिक्री गरिने कम्पनीले उल्लेख गरेको छ ।
शेयर खरिद गर्न चाहने कम्पनीका विद्यमान संस्थापक शेयरधनीहरूले सूचना प्रकाशित भएको ३५ दिनभित्र कमलादी काठमाण्डौमा रहेको कम्पनीको केन्द्रीय कार्यालयमा आवेदन दिनुपर्नेछ ।
प्रकाशित समय : १२:२४ बजे
