४६.६९ अंकले बढ्यो नेप्से, कारोबार रकम पनि बढ्यो
वि.सं.२०८१ कात्तिक १३ मंगलवार
काठमाडौँ । मंगलबार सेयर बजार परिसूचक (नेप्से) उच्च अंकले बढेको छ । ४६.६९ अंकले बजार बढ्दै परिसूचक २६९२ बिन्दुमा उक्लिएको छ।
यसअघि चार कारोबार दिनपछि सोमबार बजार २७ अंकले उकालो लागेको थियो । मंगलबार २२१ कम्पनीको सेयर मूल्य बढेको छ ।
१७ कम्पनीको घट्दा ५ कम्पनीको मूल्य स्थिर रह्यो । मंगलबार १ करोड ३३ लाख ७३ हजार कित्ता सेयर खरिदबिक्री भएको छ । यसले गर्दा कुल ६ अर्ब १२ करोड ८२ लाख रुपैयाँको कारोबार भएको नेप्सेले जनाएको छ । मंगलबार नेप्सेमा सूचीकृत सबै उपसमूहको सूचक बढेको छ ।
प्रकाशित समय : १५:२७ बजे
