काठमाडौं । नेपाली कांग्रेसका सभापति शेरबहादुर देउवाले आज प्रधानमन्त्रीको शपथ लिने भएका छन् ।उनले आज(मंगलवार) साँझ ५ बजे प्रधानमन्त्रीको शपथ लिने तयारी चलिरहेको सचिवालयले जनाएको छ।

सोमवार सर्वोच्च अदालतले २८ घण्टाभित्र देउवालाई प्रधानमन्त्री नियुक्त गर्न आदेश दिएको थियो । त्यसअनुसार राष्ट्रपति कार्यालयले शपथको तयारी अघि बढाएको जानकारी दिइएको छ ।

सर्वोच्च अदालतले प्रधानमन्त्री केपी शर्मा ओलीले दोस्रो पटक गरेको प्रतिनिधिसभा विघटन बदर गर्नुका साथै देउवालाई मंगलवार साँझ ५ बजेसम्म प्रधानमन्त्रीमा नियुक्त गर्न आदेश दिएको थियो ।

साथै देउवाले आजै मन्त्रिपरिषद गठन गर्ने तयारी गरेका छन् । त्यसका लागि देउवा आन्तरिक परामर्शमा व्यस्त छन। यसअघि देउवा चार पटकसम्म प्रधानमन्त्री बनिसकेका छन् । यो सहित पाचौं पटक हुन्छ।
२०७८ असार २९ गते प्रकाशित