मुख्यमन्त्री पोखरेलको राजीनामा स्वीकृत
वि.सं.२०७८ वैशाख १९ आइतवार
काठमाडौं–लुम्बिनी प्रदेशका मुख्यमन्त्री शंकर पोखरेलको राजिनामा स्वीकृत भएको छ । पोखरलले आज बिहान दिएको राजिनामा प्रदेश प्रमुख धर्मनाथ यादवले स्वीकृत गरेका हुन्। साथै, प्रदेश प्रमुख धर्मनाथ यादवले अर्को सरकार नबनेसम्म वर्तमान सरकारलाई नै प्रदेश सरकारको कार्यभार सम्हाल्ने जिम्मेवारी दिएका छन्।
मुख्यमन्त्री पोखरेलका विरुद्ध गत वैशाख ६ गते प्रदेश सभा सचिवालयमा नेपाली कांग्रेस, माओवादी र जसपाका ५ नेतासहित ४१ जनाले अविश्वास प्रस्ताव दर्ता गरेका थिए। सो प्रस्तावमा आइतबार सुरु हुने विशेष अधिवेशनमा छलफल प्रारम्भ हुँदै थियो।
प्रकाशित समय : ०७:१५ बजे
