काठमाडौँ । जीवन विकास लघुवित्त वित्तीय संस्थाको यहि असार असार ११ गते शुक्रबारबाट १५ गतेसम्म निष्काशन तथा विक्रि शुरु भएको आइपीओ यसै साता बाँडफाँड हुने भएको छ ।

निष्कासन तथा बिक्री प्रबन्धक एनएमबि क्यापिटल लिमिटेडले उक्त आईपीओ यसै साता बाँडफाँड गर्ने तयारी गरेको हो ।

कम्पनीको आइपीओमा सर्वाधिक आवेदन परेकोकारण आम लगानीकर्ताको चाँसो ओपनिङ रेञ्ज तर्फ रहेको छ । यसो त सर्वप्रथम नेपाल स्टक एक्सचेन्ज (नेप्से) ले हरेक कम्पनीको सेयरको पहिलो कारोबारको लागि नेटवर्थको तीन गुणासम्म ओपनिङ रेञ्ज तोक्ने गर्दछ ।

यसअर्थ, संस्थाको पहिलो कारोबारका लागि प्रति सेयर न्युनतम ३०५ रूपैयाँ २७ पैसादेखि अधिकतम ९१५ रुपैयाँ ८१ पैसा ओपनिङ रेञ्ज निर्धारण गर्ने सम्भावना रहेको छ ।

नेपाल धितोपत्र बोर्ड (सेबोन)मा प्रकाशन भएको विवरण पत्र अनुसार संस्थाको आर्थिक वर्ष २०७६–७७ को प्रतिसेयर नेटवर्थ ३०५ रूपैयाँ २७ पैसा रहेको छ । सोही नेटवर्थको ३ गुणा ९१५ रुपैयाँ ८१ पैसा हुन्छ । त्यसैले, संस्थाको आईपीओले अधिकतम ९१५ रुपैयाँ ८१ पैसा ओपनिङ रेञ्ज पाउने सम्भावना रहेको छ ।

२०७८ असार २१ गते प्रकाशित