काठमाडौँ । नेपाल स्टक एक्सचेञ्ज (नेप्से) मा आज निर्धन उत्थान र स्वरोजगार लघुवित्तको बोनस सेयर सूचिकृत भएको छ । दुई लघुवित्तको गरी कुल २४ लाख ३ हजार ४२१ द्यशमलव ७७ कित्ता बोनस सूचीकृत भएको हो ।

निर्धन उत्थान लघुवित्तको चुक्ता पूँजीको १३ प्रतिशतले हुन आउने १९ लाख ५० हजार कित्ता र स्वरोजगार लघुवित्तको १२.३९ प्रतिशतले हुन आउने ४ लाख ५३ हजार ४२१ दशमलव ७७ कित्ता बोनस सूचीकृत भएको हो ।

सोमबार सूचीकृत दुबै कम्पनीको बोनस बुकक्लोज मितिसम्म कायम रहेका लगानीकर्ताले मंगलबारदेखि धितोपत्रको दोस्रो बजारमा खरीद बिक्री गर्न सक्नेछन ।

सूचीकृत बोनस सम्बन्धीत कम्पनीको साधारण सभाका लागि शेयर दाखिल खारेजी मिति (बुकक्लोज) को अघिल्लो कारोबार दिनसम्म कायम शेयर लगानीकर्ताले मात्र पाउनेछन् ।

निर्धन उत्थानको २०७७ फागुन २५ गते सम्पन्न २२ औं वार्षिक साधारण सभाबाट उक्त बोनस शेयर अनुमोदन भएको थियो भने साधारण सभाका लागि फागुन ११ गतेदेखि लघुवित्तले बुकक्लोज गरेको थियो ।

यसैगरी स्वरोजगार लघुवित्तको फागुन २५ गते सम्पन्न १२ औं वार्षिक साधारण सभाबाट उक्त बोनस शेयर अनुमोदन भएको थियो भने साधारण सभाका लागि फागुन १५ गतेदेखि लघुवित्तले बुकक्लोज गरेको थियो ।

२०७८ असार २१ गते प्रकाशित