फेवातालमा प्याराग्लाइडिङ खस्दा सैनिकको मृत्यु फेवातालमा
वि.सं.२०७७ चैत ३ मंगलवार
काठमाडौं, ३ चैत- पोखरामा प्याराग्लाइडिङ प्रशिक्षणका क्रममा दुर्घटना परी नेपाली सेनाका एक जवानको मृत्यु भएको छ ।
सेनाले पोखरामा सञ्चालन गरिरहेको प्याराग्लाइडिङ तालिमका क्रममा सोमबार दिउँसो २ः१५ बजे फेवातालमा खसेका धादिङ नीलकण्ठ नगरपालिका घर भएका सैनिक जवान २३ वर्षीय राजाराम मगरको उपचारका क्रममा मृत्यु भएको जिल्ला प्रहरी कार्यालयका प्रहरी नायब उपरीक्षक सुवास हमालले जानकारी दिए।उनी सेनाको कालीजङ्ग गणमा कार्यरत रहेको बताइएको छ ।
मृतकको शव सैनिक अस्पतालमा नै रहेको र परिवारका सदस्य आएपछि बुझाइने प्रहरीले जनाएको छ ।
प्रकाशित समय : ०५:०८ बजे
