काठमाडौं । नेपालमै पहिलोपटक मंगलबारदेखि सुरु भएको ‘बिवाइडी अन्तर्राष्ट्रिय हट एयर बेलुन महोत्सव २०२४’ का अवसरमा बिवाइडी इलेक्ट्रिक गाडी सार्वजनिक गरिएको छ ।

फेवातालको किनारमा हट एयर बेलुनको अनौठो शैलीमा गरिएको सार्वजनिक कार्यक्रममा साइमेक्सले एकै दिन १०० गाडी ग्राहकलाई हस्तान्तरण गरेको हो। यो गाडी चारवटा रंगमा उपलब्ध छ । ५८ लाख ९० हजार रुपैयाँ मुल्य तोकिएको यो इलेक्ट्रिक गाडीले एकपटकको चार्जमा ४४० किलोमिटरसम्म यात्रा गर्न सकिन्छ ।

कार्यक्रममा साइमेक्स इंककी प्रबन्ध निर्देशक एमुना श्रेष्ठले बीवाइडी एम सिक्सलाई नेपालमा विद्युतीय सवारी क्षेत्रको नयाँ युगको सुरुआत प्रतीकका रूपमा प्रस्तुत गर्दै यसले ग्राहकको जीवनशैलीलाई थप सहज र आधुनिक बनाउने विश्वास व्यक्त गरिन्।

बीवाईडी एम–६ एक प्रिमियम इलेक्ट्रिक एमपीभी हो, जुन नेपालमा पहिलो पटक फरक शैलीमा प्रस्तुत गरिएको हो। यसमा अत्याधुनिक प्रविधि र विशेषता जडित छन्, जसले यात्रुलाई उच्चतम आराम र दक्षता प्रदान गर्नेछ।

गाडी सार्वजनिक कार्यक्रमले पोखराको पर्यटकीय माहोललाई थप रोमाञ्चक बनाएको छ भने विद्युतीय सवारी साधनप्रति मानिसको चासो र आकर्षण समेत बढाएको देखिएको छ।

यो कारमा भएको ५५.४ किलोवाटको ब्याट्रीले ४२० र ७१.८ किलोवाटको ब्याट्रीले ५३० किलोमीटर रेन्ज दिने डब्लुएलटिपिले प्रमाणित गरेको छ। यो ७ सिटर गाडीमा हो। यसको ग्राउन्ड क्लियरेन्स १७०एमएम रहेको छ।

बिवाईडी एम– ६ को लम्बाई ४७१० एमएम, चौडाई १८१० एमएम र उचाइ १६९० एमएम छ। यसमा २८०० एमएम लामो ह्रवीलबेस पाउन सकिन्छ।

कारमा ७ प्रिमियम सिट, पानोरामिक ग्लास छत, ५८० लिटरसम्मको लचिलो लगेज क्षमता छ, जसले प्रत्येक यात्रालाई आरामदायी र व्यावहारिक बनाउने कम्पनीको दाबी छ।