काठमाडौं । फोनपेले आफ्नो अभियान ‘नेट सेट गो १’ सार्वजनिक गर्दै इन्टरनेट बिल भुक्तानी गर्दा १ वर्षको निस्शुल्क इन्टरनेट जित्ने अवसर प्रदान गरेको छ ।

फोनपेले ग्राहकहरूलाई डिजिटल भुक्तानी प्रणालीमा प्रोत्साहन गर्न यो अवसर प्रदान गरेको हो । ग्राहकहरूले मोबाइल बैंकिङ एपको फोनपे बिल्सबाट कम्तिमा ३ महिना इन्टरनेट बिल भुक्तानी गर्नु पर्ने कम्पनीले जनाएको छ। यस अभियानको अवधि पुष २९ गतसम्म हुनेछ ।

यस अभियानमा लक्की ड्रा मार्फत विजेताहरूको चयन गरिने र ५ भाग्यशाली विजेताले १ वर्षको निःशुल्क इन्टरनेट प्राप्त गर्ने कम्पनीले जनाएको छ ।

यस अभियानले ग्राहकहरूको भुक्तानी प्रक्रिया सरल र आकर्षक बनाउन र डिजिटल भुक्तानीको महत्त्वलाई प्रोत्साहित गर्नको लागि आयोजना गरिएको हो।

सहभागी हुने तरिका यस्ता छन् ।

मोबाइल बैङ्किङ एप खोल्ने

फोनपे बिल्स चयन गर्ने

इन्टरनेट बिल चयन गर्ने

बिल विवरण प्रविष्ट गर्ने

महिना वा थप भुक्तानी अवधिको चयन गर्ने

भुक्तानी पुष्टि गर्ने