काठमाडौं । रगतको चरम अभाव भएका कारण रक्तदान कार्यक्रमको आयोजना गरिएको छ । कोरोना भाइरस रोकथाम तथा नियन्त्रण गर्न जारी गरिएको निषेधाज्ञाका कारण रगतको अभाव हुन थालेपछि जेठ १ गते, शनिबार काठमाडौंको रातोपुल नजिकै आकस्मिक रक्तदान कार्यक्रम आयोजना गर्न लागिएको हो ।
रातोपुलस्थित नेशनल बाथ रोग सेन्टरमा हुन लागको रक्तदानमा कोभिड–१९ विरुद्ध पूर्ण सावधानी अपनाइने र प्रहरीसंगै सहकार्य गरिने अटो नेपाल मासिकका सञ्चालक भुषण श्रेष्ठले जानकारी दिए । उक्त दिन रक्तदातालाई रक्तदान गर्ने स्थानसम्म आउन र जानको समेत व्यवस्था गरिने उनले बताए । उक्त रक्तदान लाइन्स क्लब अफ काठमाण्डौ सोसियल फ्रेन्ड्स, अटो नेपाल मासिक र सहयोगी महिला जागरण मञ्चको संयुक्त आयोजनामा हुन लागिरहेको छ । नेपाल रेडक्रस सोसाइटी फोन गरेर सामान्य गर्भवती महिला र अपरेसन हुनै पर्ने बिरामीलाई पनि रगत अभावले अपरेसन रोकिने गरेकाले आकस्मिक रक्तदान कार्यक्रमको आयोजना गरिएको श्रेष्ठले बताए ।

लाइन्स क्लब अफ काठमाण्डौ सोसियल फ्रेण्डस्का अध्यक्ष भुषण कुमार श्रेष्ठले भने, “यस्तै अवस्थामा हामीले सहयोग गर्ने हो र सम्भव भएसम्म हरेक दुईदुई हप्तामा रगत संकलन गरेर रेडक्रसलाई बुझाउने छौ । यस्तो अवस्थामा हामी बाहिर निस्कँदैनौँ, तर अत्यन्त आकस्मिक पर्यो भने जीवन रक्षाका निमित्त जस्तो पनि सहयोग गर्न तयार छौ ।” २०७८ वैशाख २८ गते प्रकाशित ।

कर्पाेरेट बजार

प्रकाशित समय : ११:४९ बजे