थप २४ सय २८ जनामा संक्रमण पुष्टि, ५ को मृत्यु
वि.सं.२०७८ वैशाख ९ बिहीवार
काठमाडौँ–पछिल्लो समय नेपालमा दिनप्रतिदिन कोरोना बढीरहेको बेला पछिल्लो २४ घन्टामा थप २४ सय २८ जनामा कोरोना संक्रमण पुष्टि भएको छ। समिक्षा अवधिमा १० हजार १ नमूनाको पीसीआर र ४४७ जनाको एन्टिजेन प्रविधिबाट जाँच गराउँदा यति ठूलो संख्यामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ।
यस्तै पछिल्लो २४ घन्टामा कोरोनाबाट थप ५ जनाको मृत्यु भएको छ। यो सहित मृत्यु हुनेको संख्या ३१ सय १७ पुगेको छ।
मन्त्रालयका अनुसार १२ हजार ६९० जना कोरोनाका सक्रिय संक्रमित छन्। यस्तै पछिल्लो २४ घन्टामा थप २५२ जना कोरोनामुक्त भएका छन्। यो सहित कोरोनाबाट मुक्त हुनेको संख्या २ लाख ७६ हजार ३४५ पुगेको छ। ८१ जना आइसीयूमा उपचारत छन्।
प्रकाशित समय : ११:३४ बजे
