पुनःलमजुङ नै केन्द्रबिन्दु बनाएर गयो ५.३ रेक्टर स्केलको भूकम्प
वि.सं.२०७८ जेठ ५ बुधवार
काठमाडौँ । लमजुङमा नै केन्द्रबिन्दू बनाए पुनः भूकम्प गएको छ । बुधबार बिहानै लमजुङको भुलभुले आसपास नै केन्द्रबिन्दु बनाएर भूकम्प आएकोमा पुनः ८ बजेर २६ मिनेट जाँदा ५.३ रेक्टर स्केलको भूकम्प गएको हो । राष्ट्रिय भूकम्प मापन केन्द्रले जनाएको छ ।
यसअघि बुधबार बिहान ५ बजेर ४२ मिनेट जाँदा लमजुङको भुलभुले केन्द्रबिन्दु बनाएर ५.८ रेक्टर स्केलको भूकम्प गएको थियो । भूकम्पको धक्का गण्डकी प्रदेश, लुम्बिनीका केही जिल्ला र काठमाडौं उपत्यकासहित केही जिल्लामा महसुस गरिएको छ ।
भूकम्पमा केही घर भत्किनुका साथै केही स्थानीय घाइते भएका छन् ।
भूकम्पको केन्द्रविन्दु मर्स्याङ्दी गाउँपालिकाका घरहरूमा बढीजसो क्षति पुगेको छ । गाउँपालिका अध्यक्ष अर्जुन गुरुङले भूकम्पपछि मानिसहरूबीच भागाभाग भएको बताए । उनका अनुसार केही घरमा क्षति भएको र केही स्थानीय घाइते भएको जानकारीमा आएको छ । तर यकिन विवरण आउन अझै बाँकी छ,’ उनले भने ।
प्रमुख जिल्ला अधिकारी होमप्रसाद लुइँटेलले घर भत्किँदा बेंसीसहर नगरपालिका–६ चनौटेकी ३६ वर्षीया उमा गुरुङ र बेंसीसहर–११ रामचोकबेंसीकी ८७ वर्षीया खोपकुमारी पाण्डे घाइते भएको जानकारी दिए । दुवै जनाको जिल्ला अस्पताल लमजुङमा उपचार भइरहेको उनले बताए ।
२०७८ जेठ ५ गते प्रकाशित
प्रकाशित समय : ०३:१९ बजे
