back
skip this Samagra

आजबाट ‘प्रभु सेलेक्ट फण्ड’का इकाइहरु बिक्री खुला

काठमाडौँ । प्रभु म्युचुअल फन्डअन्तर्गत सञ्चालित हुने १ अर्बको ‘प्रभु सेलेक्ट फण्ड’ का इकाइहरु आज जेठ ५ गतेबाट बिक्री खुला भएका छन् ।
कोष प्रवर्द्धक प्रभु बैंक तथा योजना व्यवस्थापक तथा डिपोजिटरी प्रभु क्यापिटल लिमिटेड रहेको यस योजनाका १० रुपैयाँ अंकित दरका कुल १० करोड इकाइ बिक्री खुला गरिएको हो। कुल इकाइमध्ये बीजपुँजीबापत न्यूनतम १ करोड ५० लाख इकाइ (१५ प्रतिशत) मध्ये कोष प्रवर्द्धक प्रभु बैंकलाई १४ प्रतिशतले हुन आउने १ करोड ४० लाख इकाइ र १ प्रतिशतले हुन आउने १० लाख इकाइ प्रभु क्यापिटललाई सुरक्षित गरिएको छ। बाँकी ८ करोड ५० लाख इकाइमा सर्वसाधारणले खरिद आवेदन दिन सक्नेछन्।

यो योजनामा लगानीकर्ताले न्यूनतम १०० इकाइदेखि अधिकतममा ८ करोड ५० लाख इकाइसम्मका लागि खरिद आवेदन दिन सक्नेछन्। यो बन्दमुखी योजनामा नेपाल धितोपत्र बोर्डबाट अनुमति प्राप्त आस्बा सेवामा सहभागी बैंक तथा वित्तीय संस्थाहरु र देशभरिका तिनका शाखा कार्यालयहरुबाट तथा सीडीएससीको मेरो सेयर अनलाइन प्रयोग गरी सिआस्बा प्रणालीमार्फत आवेदन दिन सकिनेछ।
सातवर्षे यस योजनाका निष्कासन बन्द छिटोमा जेठ ९ गते र ढिलो जेठ १५ गते हुनेछ।

यो योजनालाई नेपाल धितोपत्र बोर्डले गते वैशाख १३ गते निष्कासन गर्ने अनुमति दिएको थियो।

प्रभु सेलेक्ट फण्ड प्रभु क्यापिटल लिमिटेडले व्यवस्थापन गर्न लागेको पहिलो सामूहिक लगानी योजना हो । यो योजना अहिलेसम्म सञ्चालनमा आएका सामूहिक लगानी योजनाभन्दा पृथक रहने कम्पनीले जनाएको छ। यसले एकपटकमा बढीमा ३० वटासम्म कम्पनीहरुमा लगानी गरी आफ्नो अलग्गै बेञ्चमार्क बनाउनेछ, जसलाई नेप्से ३० बेन्चमार्कको रुपमा लिएर पनि लगानीकर्ताले यसमा लगानी गर्न सक्नेछन्।
यस योजनाले इकाइ बिक्रीबाट संकलित रकमको ८० देखि १०० प्रतिशतसम्म सेयरमा लगानी गर्नेछ अर्थात यो एउटा इक्विटी ओरियन्डेड योजना हो। कम्पनीको व्यावसायिक वृद्धिदर उच्च रहेको, नियमित रुपमा उच्च प्रतिफल प्रदान गर्न सक्ने, वित्तीय अवस्था सबल भएका कम्पनीका सेयरमा लगानी गरी नियमित खरिदबिक्री गर्ने भएकाले यो योजनाको नाम प्रभु सेलेक्ट फण्ड’ राखिएको हो।

यसले ७ वर्षको अवधिमा लगानीकर्तालाई करिब ३ गुणासम्म प्रतिफल प्रदान गर्ने लक्ष्य राखेको क्यापिटलले जनाएको छ। आफूसँग रहेको बचतलाई लगानीमा परिणत गर्दै दीर्घकालमा उच्च प्रतिफल चाहने लगानीकर्ताहरुले ढुक्कसँग यो सामूहिक लगानी योजनामा लगानी गर्नसक्ने क्यापिटलको भनाइ छ।

प्रभु क्यापिटलले लगानी व्यवस्थापन तथा योजना व्यवस्थापनका लागि नेपाली पुँजी बजारमा उपलब्ध सबैखाले स्रोतहरुको उच्चतम प्रयोग गर्दै आएको छ। हालको अवस्थामा पनि क्यापिटलले विभिन्न स्रोतबाट जुटाएर गएको १ वर्षयता करिब २ अर्ब बराबरको लगानी व्यवस्थापन गर्दै आएको छ। जसको औषत प्रतिफल निकै आकर्षक रहेको छ। जुन नेप्सेको औषत प्रतिफलभन्दा उच्च रहेको छ।

२०७८ जेठ ५ गते प्रकाशित


प्रभु बैंक र क्लियरिङ हाउस विच क्रस बोर्डर कारोबार सम्झौता

प्रभु बैंक र क्लियरिङ हाउस विच क्रस बोर्डर कारोबार सम्झौता

वि.सं.२०८० चैत २८ बुधवार १३:३१

काठमाडौं । प्रभु बैंक र नेपाल क्लियरिङ हाउस (एनसीएचएल) का...

ज्योति विकास बैंकले प्रधान कार्यालयको लागि विशालनगरमा जग्गा किन्दै

ज्योति विकास बैंकले प्रधान कार्यालयको लागि विशालनगरमा जग्गा किन्दै

वि.सं.२०८० चैत २८ बुधवार १२:२६

काठमाडौं । ज्योति विकास बैंकले प्रधान कार्यालय बनाउन जग्गा खरिद...

गरिमा विकास बैंकको पुरानो लाभांश लिन सेयरधनीलाई आग्रह

गरिमा विकास बैंकको पुरानो लाभांश लिन सेयरधनीलाई आग्रह

वि.सं.२०८० चैत २८ बुधवार ०९:२४

काठमाडौं । गरिमा विकास बैंक लिमिटेडले भुक्तानी लिन बाँकी रहेको...

लगानी सम्मेलनः ‘सोकेस’मा १२५ आयोजना, ११ सयभन्दा बढीलाई निम्ता

लगानी सम्मेलनः ‘सोकेस’मा १२५ आयोजना, ११ सयभन्दा बढीलाई निम्ता

वि.सं.२०८० चैत २८ बुधवार ०९:०५

काठमाडौँ । सरकारले आगामी वैशाख १६ र १७ गते (अप्रिल...

चैत २५ गते देखि १ करोड ७८ लाख कित्ता सेयर लिलामी बिक्री गर्दै एचआइडीसीएल

चैत २५ गते देखि १ करोड ७८ लाख कित्ता सेयर लिलामी बिक्री गर्दै एचआइडीसीएल

वि.सं.२०८० चैत २३ शुक्रवार १२:१८

काठमाडौं । जलविद्युत लगानी तथा विकास कम्पनी (एचआइडीसीएल) ले चैत...

सामाजिक सुरक्षा कोषले एक लाख बढी योगदानकर्तालाई भुक्तानी गर्यो आठ अर्ब रुपैयाँ

सामाजिक सुरक्षा कोषले एक लाख बढी योगदानकर्तालाई भुक्तानी गर्यो आठ अर्ब रुपैयाँ

वि.सं.२०८० चैत २३ शुक्रवार ११:२२

काठमाडौं । सामाजिक सुरक्षा कोषले योगदानकर्तालाई विभिन्न सुविधाबापत आठ अर्ब...