यी हुन् निषेधाज्ञामुक्त ४ जिल्ला
वि.सं.२०७८ वैशाख ३० बिहीवार
काठमाडौँ । अहिले मुलुकमा जम्मा चार जिल्ला निषेधाज्ञामुक्त भएका छन् । कोभिड–१९ सङ्क्रमण अनियन्त्रित हुने सम्भावना देखिएपछि सरकारको निर्देशन अनुसार जिप्रको आफ्ना जिल्लाहरुमा निषेधाज्ञा जारी गरेका छन् । यद्यपी चार जिल्लालाई भने अझै निषेधाज्ञाले छुन सकेको छैन । अर्थात हालसम्म ७३ जिल्लाले निषेधाज्ञा जारी गरी सङ्क्रमणको साङ्लोमा बाधिएका छन् । त्यसमध्ये सात जिल्लामा आंशिक आदेश लागू भएको स्वास्थ्य मन्त्रालयले जनाएको छ ।
स्वास्थ्य मन्त्रालयको विवरण अनुसार मनाङ, मुस्ताङ, तेह्रथुम र खोटाङले निषेधाज्ञा जारी गरेका छैनन् । यद्यपि सङ्क्रमण फैलिन नदिन प्रयास भने जारी राखिएको सम्बन्धित जिल्ला प्रशासन कार्यालयले जनाएको छ ।
प्रकाशित समय : ०४:०४ बजे
