काठमाडौं । सानिमा जनरल इन्स्योरेन्स लिमिटेडले चालू आर्थिक वर्षको तेस्रो त्रैमाससम्म ७६ दशमलव ४६ प्रतिशतले बढाएको छ । इन्स्योरेन्सले समिक्षा अवधिमा
४६ करोड ४६ लाख २८ हजार कुल बीमाशुल्क आर्जन गरेको छ ।

यो रकम गत वर्षको यसै अवधिकोभन्दा ७६ दशमलव ४६ प्रतिशत बढी हो । गत वर्ष यस अवधिसम्म कम्पनीले रू। २६ करोड ३३ लाख ६ हजार कुल बीमाशुल्क आर्जन गरेको थियो ।

यस वर्ष कम्पनीले १७३ दशमलव ७८ प्रतिशत बढी कुल दाबी भुक्तानी गरेको छ । गत वर्ष ५ करोड ५७ लाख ६४ हजार कुल दाबी भुक्तानी गरेको कम्पनीले यस वर्ष १५ करोड २६ लाख ६८ हजार भुक्तानी गरेको हो ।

यस अवधिसम्म कम्पनीले गत वर्षभन्दा शतप्रतिशत बढी खुद नाफा गरेको छ । गत वर्ष २ करोड ८९ लाख ४७ हजार खुद नाफा गरेको कम्पनीले यस वर्ष रू। ५ करोड ८१ लाख ७० हजार यो नाफा गरेको हो ।

यसै वर्ष सर्वसाधारणमा आईपीओ जारी गरी चुक्तापूँजी १ अर्ब पु¥याएको कम्पनीको जगेडा कोष रकम पनि १०१ प्रतिशत बढेर ७ करोड ५९ लाख ५५ हजार कायम भएको छ ।

गत वर्ष तेस्रो त्रैमाससम्म कम्पनीको चुक्तापूँजी रू। ७० करोड र जगेडा कोष रकम ३ करोड ७७ लाख ७१ हजार थियो । बीमाकोष रकम पनि यस वर्ष ९४ प्रतिशत वृद्धि भई ८ करोड ५७ लाख २० हजार पुगेको छ । कम्पनीको प्रतिशेयर आम्दानी ७ दशमलव ८० र प्रतिशेयर नेटवर्थ ११७ दशमलव शून्य ६ रहेको छ ।