ललितपुर । ललितपुर महानगरपालिकाले दुईवटा अत्याधुनिक दमकल खरिद गरेको छ । बुधबार बिहान एक कार्यक्रमबिच ती दमकल परिचालनको शुभारम्भ गरिएको हो ।

ललितपुर महानगरपालिकाका मेयर चिरिबाबु महर्जनले रिबन काट्नुका साथै पूजा गरेर दमकल परिचालनको उद्घाटन गरे ।

इसुजु कम्पनीका ती दमकलहरूको मूल्य ५ करोड ६५ लाख रुपैयाँ रहेको महानगर प्रहरी प्रमुख सीताराम हाछेथुले जानकारी दिए । साढे दुई हजार लिटर पानी अट्ने क्षमता रहेको ती दमकलमा ३ सय लिटरको फोम ट्याङ्की पनि रहेको छ । यसलाई सानो बाटोमा पनि परिचालन गर्न सकिने हाछेथु बताउ छन्।