काठमाण्डौ । आसन्न स्थानिय तहको निर्वाचनमा उमेदवारका आकांक्षीहरु देशैभर बढी रहेका छन् । दलहरुले आफना विधि र पद्धती अनुसार उमेदवार छानिरहेका छन् भने सार्वजनिक रुपमा लोकप्रिय मानिसहरुले स्वतन्त्र उमेदवारी पनि दिएका छन् ।

यसै सन्र्दभमा काठमाण्डौको मेयरको उमेदवार को हुने भन्ने विषयमा नेपाली काँग्रेसमा ठुलै रडाको देखिन्छ । काठमाण्डौ महानगरमा वडाहरुबाट सिफारिसमा परेकाहरुसँग कुनै छलफललै नगरी नगर समितिले बागमती प्रदेश समितिमा एकलौटी नाम सिफारिस गरेको भन्दै युवा नेताहरुले कडा आपत्ति जनाएका छन् ।

त्यसरी आपत्ति जनाउनेहरुमा काँग्रेस क्रियाशिल सदस्य एवं युवा नेताहरु बावुराम आचार्य र सागर भटराइ सहित अरु पनि रहेका छन् ।

उनीहरुले संयुक्त रुपमा प्रेस विज्ञप्ती जारी गर्दै काठमाण्डौका वडाहरुबाट १७ जना विधिसम्मत मेयरका लागि सिफारिसमा भएका हुन् ।

उनीहरुसँग कुनै छलफलै नगरी ५ जनाको नाम एकलौटी प्रदेश समितिमा सिफारिस गरिनु आपत्तिजनक रहेको बताएका छन् ।

नेविसंघका पूर्वनेता तथा काँग्रेस क्रियाशिल सदस्य सागर भटराई र युवा नेता बावुराम आचार्यलाई काठमाण्डौ महानगरपालिकामा मेयरका लागि १० नं वडाले सिफारिस गरेको थियो ।

भटराई र आचार्य विगत २ दशकदेखि काठमाण्डौ केन्द्रित रहेर काँग्रेस राजनीतिमा क्रियाशिल छन् ।

नेपाली काँग्रेसको काठमाण्डौ नगर समितिले वुधबार नीलकाजी शाक्य, र्सिजना सिंह, हरिप्रभा खड्गी, इ शुसन वैध र प्रगतीमान शाक्यको नाम बागमति प्रदेश समितिलाई सिफारिस गरेको थियो ।