लुम्बिनीका मुख्यमन्त्री पोखरेलले दिए राजीनामा
वि.सं.२०७८ साउन २७ बुधवार
काठमाडौ । लुम्बिनी प्रदेशका मुख्यमन्त्री शंकर पोखरेल राजीनामा दिएका छन् । प्रदेश सभामा पोखरेल विरुद्ध परेको अविश्वासको प्रस्तावमाथि छलफल हुनु भन्दा पहिलै उनले राजीनामा दिएका हुन् ।
पोखरेल २०७४ साल फागुन ३ गते पहिलोपटक र गएको बैशाख १९ गते दोस्रोपटक मुख्यमन्त्रीमा नियुक्त भएका थिए ।
प्रदेशसभामा हाल ८० जना सांसद बहाल रहेकोमा बहुमतका लागि ४१ सिट आवश्यक हुन्छ । तर सत्तारुढ दल एमालेसँग अहिले ३८ सांसद मात्रै छन् । विपक्षी गठवन्धनसँग कांग्रेसका १९, मामाओवादीका १८, जसपाका ३ र जनमोर्चाका १ गरी ४१ सांसद रहेका छन् ।
२०७८ साउन २७ गते प्रकाशित
प्रकाशित समय : ०८:३३ बजे
