ईट्टा उद्योगले खनेको खाल्डोमा जमेको पानीमा डुबेर दाजु–भाइको मृत्यु
वि.सं.२०७८ असार ९ बुधवार
जनकपुरधाम । सर्लाहीमा ईंटा उद्योगले खनेको खाल्डोमा जमेको पानीमा डुबेर दुई दाजु–भाइको मृत्यु भएको छ ।
जिल्लाका सदरमुकाम मलंगवा नगरपालिका–११ गम्हरिया निवासी सद्दाम अन्सारीका ८ वर्षीय छोरा रेआज र ६ वर्षीय छोरा नेआज अन्सारीको डुबेर मृत्यु भएको हो ।
सर्लाही प्रहरीका अनुसार दुवै दाजुभाइ बाख्रा चराउन गएको बेला ईंटा उद्योगले खनेको खाडलमा जमेको पानीमा पौडी खेल्न जाँदा डुबेका हुन् ।
पौडी खेल्ने क्रममा डुबेका दाजुभाइलाई तत्कालै ईंटा उद्योगका मजदुर र गाउँलेले पानीबाट निकाली उपचारका लागि मलंगवा अस्पतालमा पुर्याएको थियो ।
यद्यपि अस्पताल पुर्याउनेवित्तिकै उनीहरुको मृत्यु भएको हो ।
२०७८ असार ९ गते प्रकाशित
प्रकाशित समय : ०८:५७ बजे
