काठमाडौँ । बुटवलको रुपन्देहीको सिमरहवामा स्थापना हुन लागेको नेपालकै पहिलो लिक्विड अक्सिजन प्लान आज शिलान्याश भएको छ । प्रतिदिन कूल ६० मेट्रिकटन अक्सिजन उत्पादन क्षमता रहेको उक्त अक्सिजन प्लान्टको प्रधानमन्त्री केपी शर्मा ओलीले भर्चुअल माध्यमबाट शिलान्यास गरेका हुन् ।

शिलान्यासपछि बालुवाटाबाट सम्बोधन गर्दै प्रधानमन्त्री ओलीले कोरोनाको दोस्रो लहर सुरू भएपछि अक्सिजनको तीव्र अभाव भएको उल्लेख गर्दै अब अभाव हुन नदिन लिक्विड प्लान्ट स्थापना गरिन लागेको बताए।

‘दोस्रो लहरले अक्सिजन र सिलिन्डर अभावले ग्रस्त बनायो। त्यतिबेला हामीले महँगो मूल्य तिरेरै पनि अक्सिजन सिलिन्डर किन्यौं’, प्रधानमन्त्रीले ओलीले भने।
अचानक बढेको उच्च मागलाई सम्बोधन गर्न त्यतिबेला देशमा उपलब्ध साधन स्रोत र संरचनासमेत अपर्याप्त भएपछि भारतबाट अक्सिजन आयात गर्ने लगायतका कामसमेत गरिएको प्रधानमन्त्रीले उल्लेख गरेका थिए।

अक्सिजन प्लान्ट स्थापना र सञ्चालनलाई सफल पार्न सरकारका तर्फबाट भन्सार छुट लगायतका सहयोग हुने प्रधानमन्त्रीको भनाइ छ।

उद्योगी शंकर अग्रवालको लगानीका उक्त प्लान्ट बनाउन लागिएको हो ।

२०७८ जेठ ३० गते प्रकाशित