काठमाडौँ । प्रधानमन्त्री केपी शर्मा ओलीले १५३ सासंसदको हस्ताक्षर सहित प्रधानमन्त्री दाबी गरेका छन् । ओलीले नेकपा (एमाले)का १२१ र जसपाका ३२ गरी १५३ जना सांसदको समर्थन आफूलाई रहेको पत्रसहित संविधानको धारा ७६(५) वमोजिम प्रधानमन्त्री पदको लागि दावी गरेका हुन् ।

दावी पत्रमा जसपाको तर्फबाट अध्यक्ष महन्थ ठाकुर तथा संसदीय दलका नेता राजेन्द्र महत्तो र एमालेका अध्यक्ष एवम् दलका नेता केपी शर्मा ओलीले हस्ताक्षर गरेका छन् ।
ओलीले आफुसँग १२१ सिट रहेको र अन्य कुनै दलले समर्थन गरेमा दाबी गर्ने बताएका थिए । उनले आफुले गरेको दाबीमा राष्ट्रपति विश्वस्त भए आफुलाई प्रधानमन्त्री नियुक्त गर्ने बताएका थिए । त्यसरी नियुक्त भए पनि १ महिना भित्र विश्वासको ममत लिनु पर्ने र मत नपाए संसद विघटन गरेर चुनावमा जाने उनको भनाई थियो ।

यस प्रधानमन्त्रीमा दाबी गर्ने कांग्रेस सभापति शेर बहादुर देउवाले एमालेको माधव नेपाल पक्षका २७ सांसद सहित १४९ सासंदको हस्ताक्षर लगेको जनाइएको छ । उद्यपी कतिपय नेताहरुले त्यसमा किर्ते जरिएको बताएका छन् ।

२०७८ जेठ ७ गते प्रकाशित