पुनर्मिलनको लागि एमाले कार्यदलको भेट दिउँसो तीन बजे
वि.सं.२०७८ जेठ ४ मंगलवार
काठमाडौं । पार्टी पुनर्मिलनका लागि आधार तय गर्न बनेको एमाले कार्यदलको पहिलो बैठक दिउँसो तीन बजे बस्न लागेको छ । प्रधानमन्त्री एवं अध्यक्ष केपी शर्मा ओली र वरिष्ठ नेता माधवकुमार नेपालबीच आइतबार भएको सहमति अनुसार दुवै पक्षबाट पाँच–पाँच जना सदस्य रहेको वार्ता टोली गठन भएपछि आज पहिलो भेट हो । उक्त वार्ता टोलीलाई २०७५ जेठ २ को आधारमा रहेर सहमति खोज्ने जिम्मेवारी दिइएको छ ।
संस्थापन पक्षतर्फका कार्यदल संयोजक सुवास नेम्वाङले बैठक दिउँसो तीन बजे बस्न लागेको भएपनि को–को र कतिजना उपस्थित हुने भन्ने कुरा अझै नखुलेको बताएका छन् ।
कायर्दल सदस्य शंकर पोखरेल दाङ गएका छन् भने अर्का संयोजक भीम रावल आँखामा समस्या भएका कारण आराम गरिरहेका छन् ।
कार्यदलको हिजो तय बैठक रावलको आँखा अस्वस्थताका कारण स्थगित गरिएको थियो ।
२०७८ जेठ ४ गते प्रकाशित
प्रकाशित समय : ०७:५४ बजे
