२६ बैशाख, रौतहट । कोरोनाको महामारीका कारण संक्रमितहरुको चाप बढन थाले पछि अक्सीजन सिलिण्डरको अभाव हुन नदिन जिल्लामा अक्सीजन सिलिण्डर व्यवस्थापनको जिम्मा नेपाल प्रहरीलाई दिइएको छ ।

शनिवार मात्रै प्रहरीले जिल्लाका विभिन्न स्थानमा अन्य प्रयोजनका लागी स्टोर गरेर राखेको ४३ थान अक्सीजन सिलिण्डर नियन्त्रणमा लिएको थियो ।

स्वस्थ्य प्रयोजन वाहेक अन्य प्रयोजनमा प्रयोग गर्ने उद्देश्यले स्टक गरि राखेको अक्सिजन भएको ७ किलो तौल भएको २८ वटा, १.५ किलो तौल भएको ३ वटा र खाली अक्सिजन ७ किलो तौल भएको १२ वटा समेत गरि जम्मा ४३ वटा अक्सिजन सिलिण्डर नियन्त्रणमा लिएको प्रहरी उपरिक्षक सिद्धि विक्रम शाहले बताए ।

गरुडा, गौर र चन्द्रपुर गरी ७ स्थानहरुबाट सो परिमाणको सिलिण्डर नियन्त्रणमा लिएको उनले बताए । बरामद भएका सिलिण्डर मध्ये अक्सिजन रहेको ७.६ किलो तौल भएको २३ वटा अक्सिजन सिलिण्डर शनिवार राति नै प्रहरीले गौर अस्पताललाई जिम्मा लगाएको थियो । सो अस्थायी कोभिड वार्डमा रहेका १६ जना विरामीहरुका लागी राति अक्सीजनको अभाव हुने जानकारी पाए लगतै सिलिण्डर जिम्मा लगाएको उपरिक्षक शाहले बताए ।

“अप्ठ्यारो परिस्थीतीमा गौर अस्पताललाई सहयोग हुने किसिमले अक्सीजनको व्यवस्थापन गर्ने जिम्मा हामीले लिएका छौं ।” उपरिक्षक शाहले भने “हाल १३८ वटा सिलिण्डर तयारी अवश्थामा राख्दैछौ । खालि भएका सिलिण्डरमा पुनः अक्सीजन हालेर पु¥याउन हामी तयार छौं ।” चिकित्सकीय जनशक्ति अभावका बिचमा पनि कोरोना संक्रमितलाई उपचार सेवा शुरु गरेको गौर अस्पताललाई विभिन्न नगरपालिकाले आर्थिक सहयोग गर्ने प्रतिबद्धता गरे पनि पुरा गर्न सकेका छैनन