काठमाडौं । शिखर इन्स्योरेन्स कम्पनी लिमिटेडले आज (चैत १ गते, मंगलबार) देखि हकप्रद शेयर निष्काशन तथा बिक्री खुला गरिएको छ । इन्स्योरेन्स कम्पनीले हाल कायम १० कित्ता शेयर बराबर नयाँ ३ कित्ता शेयर अनुपातमा हकप्रद शेयर निष्काशन तथा बिक्री खुला गरेको हो ।

इन्स्योरेन्स कमपनीले १ सय रुपैयाँ अंकित दरका ५२ करोड ७५ लाख ५७२ रुपैयाँ बराबरको ५२ लाख ७५ हजार ५७२ कित्ता हकप्रद शेयर निष्काशन गरेको हो ।

इन्स्योरेन्सको हाल १ अर्ब ७५ करोड ८५ लाख २४ हजार रुपैयाँ चुक्ता पूँजी रहेको छ । हकप्रद निष्काशनपछि २ अर्ब २८ करोड ६० लाख ८१ हजार २०० रुपैयाँ पुग्नेछ ।

हकप्रद निष्काशन प्रयोजनार्थ इन्स्योरेन्सले माघ २१ गते बुकक्लोज गर्ने निर्णय गरेको थियो । त्यसैले, माघ २० गतेसम्म नेप्सेमा कारोबार भइ कायम शेयरधनीहरुले मात्र उक्त हकप्रदमा आवेदन दिन पाउनेछन् ।

इन्स्योरेन्सको हकप्रद शेयरको बिक्री प्रबन्धक एनआईबिएल एस क्यापिटल लिमिटेड रहेको छ । हकप्रदमा एनआईबिएल एस क्यापिटल तथा शिखर इन्स्योरेन्सका रजिष्टर्ड तथा सम्पूर्ण शाखा कार्यालयबाट आवेदन दिन सकिनेछ ।

साथै धितोपत्र बोर्डबाट आश्वा अनुमति प्राप्त बैंक तथा वित्तीय संस्थाका अलवा मेरोशेयर सफ्टवेयर मार्फत चैत २१ गतेसम्म आवेदन दिन पाउनेछन् भने क्रेडिट रेटिङ एजेन्सी इक्रा नेपालले इन्स्योरेन्सलाई इक्राएनपी इस्यूअर रेटिङ्ग ए प्रदान गरेको छ ।