समता घरेलु लघुवित्तको एफपिओ भोली बाँडफाँड हुँदै, झण्डै १४ लाखको हात खाली हुने
वि.सं.२०८१ कात्तिक २९ बिहीवार
काठमाडौं । समता घरेलु लघुवित्तको एफपीओ भोली कात्तिक ३० गते शुक्रबार बाँडफाँड हुने भएको छ । बिक्री प्रबन्धक मुक्तिनाथ क्यापिटलका अनुसार शुक्रबार बिहान ९ बजे आफ्नै कार्यालय नारायणचौर नक्साल, काठमाडौंमा एफपीओ बाँडफाँड गर्ने तयारी गरेको हो ।
लघुवित्तको एफपिओमा २ अर्ब १३ करोड ८ लाख ५७ हजार रुपैयाँको आवेदन परेको छ । यसमा १४ लाख ३२ हजार ४२० जना आवेदकले २ करोड १३ लाख ८ हजार ५७० कित्ताका लागि आवेदन दिएका हुन् । यो मागभन्दा ६०.७२ गुणाले बढी आवेदन हो । यसर्थ, एफपीओ हात पार्न भाग्यकै भरपर्नु पर्नेछ । जसमा ३५ हजार ९० जनाले मात्र सेयर हात पार्नेछन् ।
यसअनुसार कम्पनीको एफपीओ भर्ने १३ लाख ९७ हजार ३३० जनाको हात खाली हुने भएको छ । लघुवित्तले ३ करोड ५० लाख ९० हजार ४२५ रुपैयाँबराबरको प्रतिकित्ता १०० रुपैयाँ अंकित मूल्यका ३ लाख ५० हजार ९०४.२५ कित्ता शेयर निष्काशन गरेको हो। लघुवित्तको धितोपत्र निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ।
प्रकाशित समय : १४:१४ बजे
