काठमाडौं । लिबर्टी माइक्रो लाइफ इन्स्योरेन्सले आईपीओ निष्काशन तथा बिक्री प्रबन्धकमा एनआइएमबि एस क्यापिटललाई नियुक्त गरेको छ । कम्पनीले २०८१ भदाै ९ गते धितोपत्र निष्काशन तथा बिक्री प्रबन्धकको कार्य गर्न एनआइएमबि एस क्यापिटललाई नियुक्त गरेको हाे ।

कम्पनीले आफ्नो जारी पुँजीको ३० प्रतिशतले हुन आउने २२ कराेड ५० लाख रूपैयाँ रकम बराबरको आईपीओ निष्काशन गर्न लागेको हो । कम्पनीले अंकित मूल्य १०० रूपैयाँ दरमा कुल २२ लाख ५० हजार कित्ता सेयर बिक्री ल्याउनेछ ।

न्यून आय भएका एवं पिछडिएका क्षेत्रका बासिन्दा र सिमान्तकृत समुदायका व्यक्तिहरुलाई लघु जीवन बीमा सेवा पुर्याउने लक्ष्य लिई यस लिबर्टी माइक्रो लाईफ इन्स्योरेन्स २०८० काे भदाै १ मा लघु जीवन बीमकको इजाजत पत्र प्राप्त गरी २०८० काे पुस ६ गतेदेखि औपचारिक रुपमा लघु जीवन बीमा व्यवसाय सञ्चालन गर्दै आईरहेको छ ।

कर्पाेरेट बजार

प्रकाशित समय : ११:३० बजे