सुजु विद्यालय पढ्दैदेखि साहित्यमा खुब रुची राख्ने केटी हुन् । पछि गएर साहित्यकार बनिएला भन्ने उनको कलिलो दिमागले सोच्ने गथ्र्यो । तर प्रखर साहित्यकारका रुपमा नाम कमाउन नसकेता पनि उनी अहिले यस क्षेत्रमा बिस्तारै पहिचान बनाउ सफल भएकी छिन् ।

सुजाता आचार्य अर्थात, सुजु भण्डारीको शब्द रहेको ‘पाखे ह्याण्डसम’ बोलको गितले उनलाई अहिले गित संगितको क्षेत्रमा सफलताको सिँढी चढाउने जमर्को गरिरहेको छ । सशान कँडेल र बिनु अधिकारीको स्वर रहेको गितमा संगित महेश ज्ञवालीले भरेका छन् ।

आफुले लेखेको गित पहिलो पटक रेकर्ड भएर यूट्युवमा अपलोड भएपछि सुजुलाई गित लेखिदिनु पर्र्यो भन्नेहरु थपिन थालेका छन् । विशेषगरी आधुनिक, तथा सेन्टिमेन्टल गित लेखनमा जाँगर चलाउने सुजु भन्छिन्, ‘मलाई लगानीकर्ताहरुले जस्तो परिवेशको गित लेख्नु भनेर परिघटना सुनाउँनुहुन्छ त्यही परिवेशमा आधारित गितहरु सिर्जना गर्ने गरेकी छु । गित लेखन साहित्यको एक अब्बल बिधा भएको उनको बुझाई छ । उनी भन्छिन्, ‘तर जव कुनै गितकारले लेखेको गित बजारमा हिट हुँदा पनि अधिकाँश श्रोता तथा दर्शकलाई गितको सर्जक को हो ? कसले यो गित कथेको हो ? उसको नाम नै थाहा हुँदैनन्, यसले गर्दा चित्त दुख्दो रहेछ ।’ उनको बुझाई छ, ‘सुरु सुरुमा त यो क्षेत्रमा धेरै मेहनत गर्नुपर्दो रहेछ, नाम पनि छैन दाम पनि छैन ।’ आफू स्थापित हुनका लागि सित्तैमा गित लेखिदिनु परेको तितो अनुभव पनि उनीसँग ताजै छ ।

बालबालिकका लागि बालगित, बृद्धबृद्धाका लागि भजन र हिन्दी गित सुन्न चाहनेहरुका लागि उनले हिन्दीमा पनि गित लेख्ने गरेकी छिन् । कतिपय गित त ‘मैैँले यस्तो लखेकी छु’ भनेर अरुलाई सुनाउँदा सुनाउँदै उनीहरुले नै गितको भाव र शव्दहरु हुबहु बनाएर उनीहरुकै नाममा रेकर्ड भएको पनि सुजुले देखेकी छिन् । त्यस्तालाई उनी ‘इमानको खँडेरी’ भएका कलाकार भन्न रुचाउँछिन तर आफू भने रिसाउँदिनन् ।

यस क्षेत्रमा बिस्तारै बामे सरिरहेकी सुजुले स्वस्फूर्त लेखेका गितहरु सांगितिक बजारमा प्रतिस्पर्धा गर्न लायक छन् ।
यो मनको आँगानीमा देख्छु तिम्रै रुप

जलिसक्यो यो मन अझै बाल्छौ कि धूप…?
उनले लेखेको यो गित यतिबेला रेकर्ड भएर बजारमा आउने तरखरमा छ । यस गितको म्युजिक भिडियो तयारी हुँदैछ ।
समसामयीक परिवेशलाई च्याप्प समातेर शव्दमा उन्न सिपालु गितकार सुजुले लखेको अर्को गित पनि रेकर्ड भइसकेको छ भने बजारमा आउने तयारी हुँदैछ । यो गितको शव्दले यस्तो सन्देश दिएको छ:

पहिले पहिले रिठ्ठा पिना, अहिले त स्याम्पू हजूर
पहिले चढ्थे बयलगाढा, अहिले त ट्याक्सी हजूर
चितवनको नरायणगढस्थित विद्यालयमा पढ्दादेखि नै उनी गजल, कबिता, मुक्तक, सायरी, गित लेख्ने गर्थिन् । तर उनी वाचन गर्न भने औधी लजाउँथिन् । त्यसको फाइदा लुट्दै उनले गरेका सिर्जनाहरुमा साथीहरुले आफ्नो नाम भरेर वाचन गर्थे । अहिले पनि उनका सिर्जनाहरु चोरी भइरहेकै छन् । तर भन्छिन्, ‘यसमा मलाई भन्दा पनि चोर्नेलाई लाज लाग्नु पर्ने हो ।’

उनी अझै व्यवसायीक लिरिक्सका रुपमा बजारमा चिनिइसकेकी छैनन् । राम्रो र बजारमा बिकेको लिरिक्सले कति कमाउँदो हो ? त्यसको पनि उनीसँग जवाफ छैन । तर पनि गित लेखेरै बाँच्न सकिन्छ, अहिलेको जमानामा राम्रो गित लेखेर त्यसमा राम्रो, स्वर र संगितले सिँगार्न सक्ने सीप भयो भने यूट्युवबाटै पनि मनग्ये रकम हात पर्न सकिन्छ भन्ने उनको बुझाई छ । र त उनी दिनरात नभनी बजारमा बिकाउ हुने खालका गितहरु लेख्न व्यस्त छिन् ।

उनको सांगितक र साहित्यीक रुचिलाई उनका श्रीमान्ले पनि राम्रोसँग बुझेका छन् । भन्छिन्, ‘श्रीमान्बाट धेरै सपोर्ट पाएकी छु, उहाँ पनि धेरथोर कलाकारिता क्षेत्रमै लागेको र यो क्षेत्रलाई मायाँ गर्ने हुनुहुन्छ ।’

भोलिका दिनमा यही क्षेत्रमा लागेर नाम र दाम मनग्ये कमाउने सुजुको उत्कट चाहना छ । काठमाडौंमा बसेर जिविका चलाउन केही वर्षदेखि खोलेको बुटिकले साथ दिएको बताउने उनी आगामी दिनमा नाम चलेको गितकार बनेर यही क्षेत्रमा स्थापित हुन सकिने दृढ संकल्प राख्छिन् ।

हट हट मौसममा चिसो चिसो पेप्सी

जसले देख्छ उसले मलाई किन भन्छ सेक्सी ?
व्यवसायीक बजारमा जस्ता गिती शव्दहरु बिक्छन् उस्तै गित लेख्ने र समाज परिवर्तनका दृष्टीले चेनशील, जागरुक, र जनवादी गितहरु पनि सिर्जना गर्नुपर्ने उनले राम्रोसँग बुझेकी छिन् । यसबारे उनको बुझाई यस्तो छ, ‘मायाँ प्रेमका गितले अहिलेका युवा, युवती तथा टिनएजरहरुलाई सम्बोधन गर्छ, यूट्युवमा लाइक, कमेन्ट र सव्सक्राईब भई आर्थिक रुपमा सघाउँछ भने चेतनशील गितले सामाजिक योगदानमा भूमिका खेल्छ ।’

२०७८ भदौ १३ गते प्रकाशित