‘हरेक परिवारसँग युद्धको एउटा कहानी हुन्छ र हामीले ती कहानी बिर्सनु हुँदैन, यो कहानी त आफ्नो आउँदा पीढिलाई सुनाउनु पर्छ ।’

यो भनाई हो अलिना कबाएवाको जसलाई रुसकी ‘सिक्रेट फर्स्ट लेडी’ भनिन्छ । युक्रेन–रुस युद्ध चलिरहँदा उनी चर्चामा छिन् ।

पुटिनले यसलाई नीजि हमला मान्न सक्ने र यसले शान्ति बहालको प्रयासमा धक्का लाग्न सक्ने आशंकाबीच अमेरिकाले त्यसो गर्न नसकेको हो ।

यद्यपि, ह्वाइट हाउसकी प्रेस सचिव जेन साकीले सोमबार दैनिक पत्रकार सम्मेलनका बेला अमेरिकाले जानीजानी राष्ट्रपति पुटिनकी कथित प्रेमिकामाथि प्रतिबन्ध नलगाएको भन्ने आरोप खारेज गरेकी छिन् ।

को हुन् अलिना कबाएवा ?

अलिना जिमनास्ट हुन् र सन् २००४ मा एथेन्स ओलम्पिकमा स्वर्ण पदक पनि जितिसकेकी छिन । १३ वर्षको उमेरमा उनले आफ्नो पहिलो वर्ल्ड टाइटल (रोम) सन् १९९८ मा जितेकी थिइन् ।

त्यसपछि सन् २००१ र २००२ मा युरोपियन च्याम्पियनशिपमा पनि उनले थुप्रै तक्मा जितेकी थिइन् । सन् २००३ मा पनि उनले थुप्रै वर्ल्ड टाइटल आफ्नो पोल्टोमा पारिन् । उनी डोपिङको मामिलामा पनि फसिसकेकी छिन् । यद्यपि, यसले ठूलो प्रतिफल भने उनले भोग्नु परेन ।

 

सन् २००५ पछि उनी बिस्तारै राजनीतिमा भित्रिइन् र उनको नाम पुटिनसँग जोडिन थाल्यो । उनले युनाइटेड रुस पार्टीको प्रतिनिधित्व गर्दै रुसी संसदको तल्लो सदन डूमाका लागि पनि निर्वाचित भइसकेको छिन् । सन् २०१४ मा उनी सोची ओलम्पिकमा मसाल लिएर हिँड्ने खेलाडीमा पनि समावेश थिइन् ।

द मस्को टाइम्सको खबर अनुसार अलिना क्रेमलिन समर्थित मिडिया ग्रुप ‘द नेशनल मिडिया ग्रुप’ को नेतृत्व पनि गर्छिन् तर उनको नाम अप्रिलमा पश्चिमी देशको प्रतिबन्धलाई ध्यानमा राखेर वेबसाइटबाट हटाइएको थियो ।

द मस्को टाइम्सको खबरमा बताइए अनुसार स्विटजरल्याण्ड, अमेरिका र युरोपका अधिकारीले वाल स्ट्रिट जर्नललाई सन् २०१५ मा अलिना बच्चा जन्माउन स्विटजरल्याण्ड गएको जानकारी दिएका थिए । त्यसपछि सन् २०१९ मा उनले मस्कोमा कथित रुपमा जुम्ल्याहा सन्तानलाई जन्म दिएकी थिइन् । यद्यपि, पुटिनले कहिल्यै पनि यसको पुष्टि गरेनन् ।

 

चर्चाका बीच मस्कोमा अलिना फेस्टिबल

द मस्को टाइम्सको रिपोर्ट अनुसार अलिना रुसको राजधानीमा ‘अलिना फेस्टिबल’ मा अघिल्लो हप्ता शनिबार देखिइन् । उनी त्यहाँ एउटा यस्तो ‘जिमनास्ट एक्जिबिशन’ का लागि आएकी थिइन् जसको प्रशारण मेमा रुसको ‘विक्ट्री डे’ को मौकामा हुँदैछ ।

यतिबेला उनले भनिन्, ‘हरेक परिवारसँग युद्धको एउटा यस्तो कहानी हुन्छ र हामीले ती कहानी बिर्सनुको साटो यसबारे आफ्नो आउँदो पीढिलाई सुनाउनुपर्छ ।’

यो मौकामा उनले युक्रेनमा रुसको हमलाका कारण भइरहेको आलोचना र रुसका जिमनास्ट, जज र कोचमाथि अन्तर्राष्ट्रिय प्रतिस्पर्धामा लागेको प्रतिबन्धबारे भनिन्, ‘हामीले यसमार्फत् जीत मात्रै हासिल गर्छौँ ।’

डेली मेलको खबर अनुसार अलिनाले यो कार्यक्रममा भाग लिएपछि ती खबरमाथि विराम लगाएकी छिन् जसमा उनी स्विटजरल्याण्ड वा साइबेरियाको बंकरमा लुकेकी छिन् भन्ने जानकारी थियो ।

यो कार्यक्रममा सयौँ बालबालिका पनि समावेश थिए र यतिबेला ‘जेड’ सिम्बल पनि देखियो जुन रुसको युक्रेनमाथि हमलाको समर्थन चिन्ह बनिसकेको छ ।