काठमाडौँ । गुडविल फाइनान्स लिमिटेडले चालु आर्थिक वर्ष २०७७–७८ को पहिलो त्रैमासको अपरिष्कृत वित्तीय विवरण सार्वजनीक गरेको छ । सार्वजनकि वित्तीय विवरण अनुसार कम्पनीले पहिलो त्रैमासमा ७ करोड ११ लाख रुपैयाँ खुद नाफा आर्जन गर्न सफल रहेको हो ।

गत आर्थिक वर्षको सोही अवधिमा फाइनान्सले २ करोड ९१ लाख रुपैयाँ खुद नाफा आर्जन गरेकोमा १४४ प्रतिशतले नाफा बढेको छ।

चुक्ता पूँजी ८६ करोड ७२ लाख रुपैयाँ रहेको फाइनान्सको नाफा बढेसँगै वार्षिक प्रतिशेयर आम्दानी १८.२६ रुपैयाँ बढेर ३२.८४ रुपैयाँ पुगेको छ । फाइनान्सको प्रतिशेयर नेटवर्थ २३६.४५ रुपैयाँ रहेको छ ।

असोज मसान्तसम्ममा फाइनान्सको वितरण योग्य १२ करोड ९२ लाख रुपैयाँ रहेको छ ।

अपरिष्कृत वित्तीय विवरण अनुसार असोज मसान्तसम्ममा फाइनान्सले १० अर्ब २७ करोड ९९ लाख रुपैयाँ निक्षेप संकलन तथा ७ अर्ब ७१ करोड कर्जा परिचालन गरी १४ करोड ३० लाख ९३ हजार रुपैयाँ खुद ब्याज आम्दानी र ९ करोड ८२ लाख ४६७ हजार रुपैयाँ सञ्चालन नाफा आर्जन गरेको छ । समीक्षा अवधिमा फाइनान्सको खुद ब्याज आम्दानी १३० प्रतिशत, सञ्चालन मुनाफा १३८ प्रतिशतले बढेको हो । फाइनान्सको निक्षेप १.९७ प्रतिशत र कर्जा ४.५० प्रतिशतले बढेको छ ।

चालु आर्थिक वर्षको तीन महिनामा फाइनान्सको जगेडा कोष ४.५४ प्रतिशतले बढेर १ अर्ब १८ करोड ३३ लाख रुपैयाँ पुगेको छ ।जसुमध्ये शेयरधनी कोषमा १२ करोड ९२ लाख सञ्चित छ ।

फाइनान्सको कोषको लागत ७.४४ प्रतिशत, खराब कर्जा अनुपात ३.४० प्रतिशत, आधारदर ९.३१ प्रतिशत र स्पेडदर ४.८४ प्रतिशत रहेको छ ।