काठमाडौँ । एभरेष्ट बैंकको कार्यकारी अधिकृत (सिईओ) मा सुदेश खालिङ नियुक्त भएका छन् । एभरेष्ट बैंकमा उनी पहिलो नेपाली सिईओको रुपमा नियुक्त भएका हुन् ।
यसअघि भारतको पञ्जाव नेशनल बैंकबाट प्रमुख कार्यकारी अधिकृत (सीईओ) प्रतिनिधिको रुपमा आउने गरेका थिए । तर यसपटक भने एभरेष्ट बैंक संचालक समितिको बैठकले पहिलोपटक नेपाली सीईओ सुदेश खालिङलाई नियुक्त गरेको हो ।

झण्डै ६ महिनाअघि बैंक संचालक समितिले खालिङलाई सीईओमा नियुक्त गरेको भएपनि उनले राष्ट्र बैंकले तोकेको कुलिङका कारण कार्यभार सम्हाल्न पाएका थिएनन् ।

लक्ष्मी बैंकको सीईओबाट छाडेपछी खालिङ सिटिजन्स बैंकको संचालक बनेका थिए । स्टाण्डर्ड चार्टड बैंक नेपालमा लामो समय काम गरेका खालिङ संस्थागत शुसाशनमा चल्ने बैंकर हुन् ।

बैंक संचालक समितिले खालिङलाई ४ वर्षको लागी सीईओ नियुक्ती गरेको हो । उनको कार्यकाल आज शुक्रबारदेखी सुरु हुनेछ ।
यस बैंकमा भारतीय पञ्जाव नेशनल बैंकको २० प्रतिशत लगानी रहेको छ ।

२०७८ असोज ८ गते प्रकाशित