दि मिल अभियानमा सहभागिता
वि.सं.२०७८ असोज ३ आइतवार
काठमाडौँ। दि मिल, सन् १९९९ देखि हरेक सेप्टेम्बरको तेस्रो वा अन्तिम शनिवार विश्वभर मनाइदै आएको एउटा विश्वव्यापी अभियान हो । अभियानमा मानिसहरु जम्मा भई अर्गानीक खाना खान्छन् । र आफ्ना चासोका विषयमा छलफल गर्छन् । खाना खाएवापत आफ्नो ईच्छा अनुरुप रकम सहयोग गर्छन् । यसरी उठेको रकम कुनै खास कामको लागि उपयोग गरिन्छ ।
नेपालमा पनि आज (१८ सेप्टेम्बर २०२१) का दिन काठमाडौंको भूमि घरमा आत्मनिर्भर केन्द्रको आयोजनामा दि मिल सम्पन्न भएको छ । कार्यक्रममा खाना र खेतीपातीबारे छलफल भएको थियो । खेतिपाती र खानपान सम्बन्धी असल संस्कृतिलाई प्रोत्साहन गर्न कार्यक्रम महत्वपूर्ण भएको सहभागीहरुले बताए ।
कार्यक्रममा उठेको रकम धनुषास्थित धनौजी गाउँपालिका अन्र्तगतको धनौजी गाउँका हरवाचरवा परिवारको बालिकाको शिक्षामा उपयोग गरिने छ । धनौजी गाउँका हरुवाचरुवाहरु भूमिहीनता र गरिबीको दुष्चक्र व्यहोरीरहेका छन् ।
प्राकृतिक स्रोतको दिगो उपयोग, स्वस्थ एवम् पौष्टिक खाना र कृषकको पहिचान र सम्मानको विषयमा वकालत गर्ने यो अभियान नेपालमा आत्मनिर्भर केन्द्रले विगत ५ वर्षदेखि आयोजना गर्दै आएको छ ।
२०७८ असोज ३ गते प्रकाशित
प्रकाशित समय : १२:३१ बजे
