सानिमाको दशैं विशेष बम्पर योजनाः मुद्दतिमा उच्च ब्याज, मासिक भुक्तानी
वि.सं.२०७८ असोज ३ आइतवार
काठमाडौँ । सानिमा बैंकले दशैंको अवसर पारेर मुद्दति निक्षेपमा पैसा राख्दा सर्वाधिक ब्याजदर पाउने स्किम सार्वजनिक गरेको छ ।
बैंकले असोज १ गतेदेखि लागू हुने गरी यस्तो स्किम सार्वजनिक गरेको हो ।
विशेष दशैं बम्पर योजना नाम दिइएको यो स्किमअन्तर्गत व्यक्तिगत मुद्दति खातामा ९.५१ प्रतिशतसम्म उच्च ब्याजदर दिइनेछ । ब्याजदरको भुक्तानी मासिक रुपमा गरिने बैंकले जनाएको छ ।
यो स्किमअन्तर्गत खाता खोल्दा पहिलो वर्षका लागि डेबिटरक्रेडिट कार्ड, मोबाइल बैंकिङ्ग, इन्टरनेट बैंकिङ्ग मेरो शेयर, डिम्याट खाता निःशुल्क प्रदान गरिने समेत बैंकले जनाएको छ ।
यसका साथै बचत खातामा ५ प्रतिशतसम्म ब्याजदर प्रदान गरिनुका साथै दुर्घटनामा मृत्यु भएमा वा स्थायी अपाङ्गता भएमा रु १० लाखसम्मको दुर्घटना बीमा, रु ३ लाख बराबरको घातक रोगको बीमा, रु ५० हजार बराबरको मेडिकल बीमा, वार्षिक रु ५ हजार बराबरको वार्षिक बहिरंग उपचार खर्च र रु ५ हजार बराबरको स्वास्थ्य परीक्षण सेवा ग्राहकलाई प्रदान गरिने बैंकले जनाएको छ ।
२०७८ असोज ३ गते प्रकाशित
प्रकाशित समय : ११:०० बजे
