काठमाडौं । गुण एयरलाइन्सले असोज १ गतेबाट नियमित उडान सुरु गर्ने भएको छ । निजी क्षेत्रको आन्तरिक वायुसेवा कम्पनी गुण एयराइन्सले काठमाडौंबाट भरतपुर र पोखरामा नियमित उडान सुरु गर्ने भएको हो । यसका लािग यस वायुसेवाले आज मंगलबारबाट नै टिकट बुकिङ खुला गरेको छ ।

गुण एयरलाइन्सका प्रमुख कार्यकारी अधिकृत (सीईओ) बालकृष्ण श्रेष्ठले यो वायुसेवाले पहिलो उडान काठमाडौंबाट भरतपुर गर्न लागेको बताए ।

श्रेष्ठका अनुसार पहिलो दिनको उडान असोज १ गते साढे १० बजेटबाट सुरु हुने छ । त्यसपछि सोही दिन काठमाडौंबाट पोखरा उडान गर्ने गरी उडान तालिका तय गरिएको छ । गुणले हाल दुई वटा गन्तव्यबाट उडान सुरु गर्ने र उडान गन्तव्य पनि बढाउँदै जाने रणनीति तय गरेको उनको भनाई छ ।

उडान तयारीसँगै एयसलाइन्सले तीन वटा जेटस्ट्रीम र एउटा बिचक्राफ्ट जहाजलाई तयारी अवस्थामा राखेको छ । थप तीन वटा जहाज पनि छिट्टै तयार पार्ने श्रेष्ठले बताए । श्रेष्ठका अनुसार यो वायुसेवाले दशैंलाई सबैजसो सुगम क्षेत्रका गन्तव्यमा उडान गर्ने गरी तयारी पूरा गरेको छ । उनले भने ‘दशैंलाई पाँच वटासम्म जहाजबाट निमित उडान सुरु गर्ने छौँ बाँकी थप दुई गरी साता वटा जहाज एकैसाथ सञ्चालन गर्ने गरी तयारीमा छौँ ।’

यो वायुसेवाले यात्रुको सेवा र सुविधाका लागि एक वर्ष भन्दा लामो समयदेखिको तयारी गरिरहेको उल्लेख छ । कोरोना महामारी न्यूनीकरण तथा रोकथाम गर्न सरकारले गत वर्ष ११ चैत २०७६ देखि गरेको लकडाउनका कारण थन्किएको वायुसेवा नयाँ ब्राण्डमा र बलियो उपस्थिति देखाउने गरी आएको छ ।

यो वायुसेवाले आठ वर्ष अगाडि आफ्नै ब्राण्डमा उडान सुरु गर्न लागेको हो । गुण एयरलाइन्सबाट सिम्रिक एयरलाइन्स भएर सात वर्ष उडान गरेपछि यसले पुनः आफ्नै ब्राण्डमा जहाज उडान सुरु गर्ने भएको छ । यो वायुसेवासँग भएको दुई वटा बिचक्राफ्ट र थप पाँच वटा जेटस्ट्रीम जहाज थप गरेको हो
२०७८ भदौ २९ गते प्रकाशित