काठमाडौँ । मेगा बैंकको गत आर्थिक वर्षका चौथो वित्तीय विवरण सार्वजनिक भएको छ । सार्वजनिक वित्तीय विवरण अनुसार बैंकको असार मसान्तसम्मा सबै वित्तीय सूचकहरुमा चमक छाएको छ । समिक्षा अवधिमा बैंकले २ अर्ब ३० करोड रुपैयाँ खुद नाफा गरेको छ । जुन खुद नाफा ४५.१६ प्रतिशतले बढाएको छ । अघिल्लो वर्ष मेगा बैंकको यस्तो नाफा १ अर्ब ५८ करोड रुपैयाँ थियो ।

ब्याज आम्दानी, कमिसन तथा अन्य संचालन आम्दानी बढ्दा मेगा बैंकले ४५ प्रतिशतले नाफा बढाउन सकेको हो । मेगा बैंकको गतवर्ष ब्याज आम्दानीबाट ५ अर्ब ८० करोड कमाएको छ । जुन अघिल्लो वर्ष ४ अर्ब १७ करोड थियो ।

१४ अर्ब ६५ करोड चुक्ता पूँजी रहेको मेगा बैंकको वितरण योग्य नाफा १ अर्ब ५१ करोड गरेको छ । मेगा बैंकले असार मसान्तसम्ममा १ खर्ब ३६ अर्ब निक्षेप संकलन गरेर १ खर्ब ३७ अर्ब कर्जा लगानी गरेको छ । बैंकको निक्षेप ७.०४ प्रतिशत र कर्जा २४.२८ प्रतिशत बढेको छ।

समीक्षा अवधिमा बैंकको प्रतिशेयर आम्दानी ३ रुपैयाँ ६४ पैसा बढेर १५ रुपैयाँ ७१ पैसा पुगेको छ। बैंकको मूल्य आम्दानी अनुपात २३.२ गुणा, प्रतिशेयर नेटवर्थ १३९ रुपैयाँ ११ पैसा छ।

२०७८ साउन २९ गते प्रकाशित