काठमाडौँ । ह्वाट्सएपले हालै नयाँ मल्टि डिभाइस फिचर थप गरेको छ । इन्स्ट्यान्ट म्यासेजिङ एप ह्वाट्सएपद्धारा नयाँ फिचर सार्वजनिक भएसँगै अब प्रयोगकर्ताले आफ्नो अकाउन्ट चार फरक डिभाइसमा लग–इन् गरेर चलाउन सकिनेछ ।

फेसबुकको स्वामित्वमा भएको ह्वाट्सएप च्याट, भिडियो कल र अडियो कलका लागि प्रसिद्ध छ । नयाँ फिचर प्रयोग गर्नका लागि प्राइमरी फोनलाई इन्टरनेटसँग कनेक्सनमा राख्नुप पर्नेछ ।

ह्वाट्सएप कम्पनीका अनुसार चलाइरहेको डिभाइसमा ब्याट्रि सकियो अर्थात् अन्य केही समस्या भयो भने अर्को डिभाइसबाट पनि चलाउन सहज होस् भनेर यो नयाँ फिचर ल्याईएको हो ।

ह्वाट्सएप सम्बन्धी सूचना बाहिर ल्याउने WABetaInfo का अनुसार यो फिचर अहिले केही प्रयोगकर्ताका लागि मात्रै दिइएको छ । आफ्नो अकाउन्टमा यो फिचर दिइएको छ कि छैन चेक गर्न ह्वाट्सएपको सेटिङमा गएर ‘लिङ्क्ड–डिभाइस’मा हेर्नु पर्नेछ ।

तपाईँलाई यो फिचर दिइएको छ भने मल्टिडिभाइसको अप्सन देखिने छ । यो बेटा भर्जन प्रयोकर्ताका लागि मात्रै दिइएको सुविधा हो ।

२०७८ साउन १२ गते प्रकाशित