काठमाडौँ । नेपाल टेलिकमका प्रबन्ध निर्देशक डिल्लिराम अधिकारीलाई कर्मचारीले मंगलबार राति कार्यालयमा नै थुनेका छन् । नियमावली संशोधनको विषयमा असन्तुष्ट भएका टेलिकमका कर्मचारीले आफ्ना मागहरु सुनुवाई नगरेको भन्दै निर्देशक अधिकारीलाई मंगलबार राति कार्यालयमै थुनेका हुन् ।

आज बुधबार दिउँसो माग पूरा गर्ने सर्तमा उनीहरुले हाकिमलाई आज बिहान छोडिदिएका छन् ।

उप–प्रबन्ध निर्देशक ५ वर्ष पुगेपछि तथा निर्देशक आठ वर्ष पुगेपछि स्वतः अवकाशमा जाने व्यवस्था रहेकोमा नयाँ विनियमावलीले यो व्यवस्था हटाएसँगै टेलिकमका सबै कर्मचारी युनियनहरू संयुक्त आन्दोलनमा रहेका गरेका छन् ।

कर्मचारी युनियनहरुले प्रबन्ध निर्देशक, उप–प्रबन्ध निर्देशक, निर्देशक जस्ता उच्च तहका कर्मचारी स्वतः अवकाश हुने पुरानै व्यवस्थाले निरन्तरता पाउनुपर्ने माग गर्दै कर्मचारीहरु आन्दोलन गरेका हुन् । क्यापिङको व्यवस्था हटाउँदा तल्लो तहमा कार्यरत कर्मचारीको बढुवा रोकिने भन्दै कर्मचारी युनियनले विरोध गर्दै आएका छन् ।

लोकसेवा आयोगले पनि सिनियर तहका कर्मचारीमा रहँदै आएको क्यापिङको प्रावधान हटाएको छ । प्रबन्ध निर्देशकको हकमा मन्त्रिपरिषदले स्वीकृत गर्नुपर्ने व्यवस्था छ ।

२०७८ साउन ६ गते प्रकाशित