प्रभु इन्स्योरेन्स बोनस सेयर लगानीकर्ताको डिम्याट खातामा
वि.सं.२०७८ साउन ४ सोमवार
काठमाडौँ । प्रभु इन्स्योरेन्स लिमिटेडले अघिल्लो आर्थिक वष (२०७६–७७) को मुनाफाबाट दिने भनेको बोनस सेयर लगानीकर्ताको खातामा जम्मा गरिदिएको छ । मुनाफाबाट वितरण गरेको चुक्तापुँजीको १० प्रतिशत बोनस सेयर सम्बन्धित सेयरधनीको डिम्याट खातामा आज जम्मा गरिदिएको हो।
कम्पनीले अघिल्लो आर्थिक वर्ष २०७६ ७७ का लागि कुल १०.५३ प्रतिशत लाभांश जारी गरेको छ। जसमा १० प्रतिशत बोनस सेयर र बाँकी ०.५३ प्रतिशत नगद लाभांश (कर प्रयोजनार्थ) रहेको थियो।
उक्त लाभांश कम्पनीको गत जेठ ६ गते सम्पन्न वार्षिक साधारणसभाले अनुमोदन गरेपछि कार्यान्वयनमा आएको हो।
कम्पनीले आज एक सूचना जारी गर्दै गत वैशाख २५ गतेसम्म सेयर डिम्याट गराएकाहरुको बोनस सेयर खातामा पठाइदिएको जनाकारी गराएको छ ।
अहिलेसम्म पनि डिम्याट नगरेकाहरुले बोनस सेयर पाउनका लागि पहिला आफूसँग भएको भौतिक प्रमाणपत्र डिम्याट गर्नुपर्ने सूचनामा उल्लेख छ। प्रमाणपत्र डिम्याट गरेपछि मात्र बोनस जम्मा गरिने सूचनामा जनाइएको छ।
२०७८ साउन ४ गते प्रकाशित
प्रकाशित समय : ०६:२० बजे
