केही दिनमै आर्थिक स्वेतपत्र ल्याउँछौँः अर्थमन्त्री शर्मा
वि.सं.२०७८ साउन १ शुक्रवार
काठमाडौँ । सेर बहादुर नेउवा नेतृत्वको सरकारले केही दिनभित्रै अर्थतन्त्रका बारे स्वेतपत्र जारी गर्ने भएको छ। आज मन्त्रालयमा आयोजित पत्रकार सम्मेलनमा नवनियुक्त अर्थमन्त्री जनार्दन शर्माले हालको मुलुकको अर्थतन्त्रको विस्तृत अवस्था चित्रण हुने गरी सरकारले स्वेतपत्र सार्वजनिक गर्ने तयारी गरेको जानकारी गराएका हुन् ।
मन्त्री शर्माले भने ‘अर्थ मन्त्रालयभित्र रहेका विभिन्न महाशाखाका प्रमुखहरुसँग छलफल गरी केही दिनमै स्वेतपत्र जारी गरिने छ ।’ स्वेतपत्रमा हालको देशको अर्थर्तन्त्रको अवस्था र भविष्यमा चाल्नुपर्ने कदमको समावेश गरिने शर्माले बताए ।
अर्थतन्त्रको वास्तविक जानकारी दिने उद्देश्यले श्वेत पत्र ल्याउन लागेको उनको भनाई छ ।
साढे तीन वर्षअघि केपी शर्मा ओली नेतृत्वको सरकारका तत्कालिन अर्थमन्त्री डा. युवराज खतिवडाले पनि अघिल्लो सरकारका निर्णयहरु उल्टाउँदै स्वेतपत्र जारी गरेका थिए ।
२०७८ साउन १ गते प्रकाशित
प्रकाशित समय : ०८:४४ बजे
