काठमाडौँ । सिभिल बैंकले नयाँ आर्थिक वर्षको अवसरमा अहिलेसम्मकै धेरै ब्याज पाइने दुई बचत खाता सञ्चालनमा ल्याएको छ ।

बैंकले बचतमा ६.०१ ब्याज दिने सूपर प्रिमियम बचत खाता र ७.०१ प्रतिशत ब्याज पाइने खुत्रुके बचत सञ्चालनमा ल्याएको हो । जुन ब्याजदर बचतमा अहिलेसम्म कै बढी हो ।

उक्त सुपर प्रिमियम बचत खातामा विभिन्न ६ वटा घातक बीमा पनि सामेल रहेका छन् ।बैंकले मेट लाइफसँगको सहकार्यमा बीमा योजना समेत समावेश गरेका हो । यो खाता १८ देखी ५८ वर्ष उमेरका व्यक्तिले खोल्न सक्नेछन् । यसमा न्यूनतम २५ हजार रुपैयाँ हुनुपर्ने छ ।

यता बचतमा ७.०१ प्रतिशत ब्याज पाईने खुत्रुके बचत खाता २ देखी १० वर्षको लागि खोल्नुपर्ने छ । यो खातामा न्यूनतम ५०० रुपैयाँ पैसा हुुनुपर्ने छ । यो खाता व्यावस्था अनुसार संचित रकमको ७० प्रतिशतसम्म कर्जा पाइने छ । त्यसको लागि हालतको ब्याजमा २ प्रतिशत थप हुनेछ । यी खाता साउनसम्म खोल्नुपर्ने छ ।

२०७८ साउन १ गते प्रकाशित