काठमाडौँ । नेपाल राष्ट्र बैंकले असार २२ गते मंगलबार १५ अर्ब रुपैयाँ बराबरको विकास ऋणपत्र बिक्री गर्न लागेको छ । केन्द्रीय बैंकले सरकारलाई आवश्यक रकम जुटाउनका लागि ऋणपत्र जारी गरि जनताबाट सोही रकम ऋण लिन लागेको हो ।
मंगलबार निष्काशन गर्न लागेको उक्त ऋणपत्र ‘विकास ऋणपत्र २०८३ ‘ङ’ को अवधि ५ वर्ष रहेको छ । अर्थात राष्ट्रबैले ५ वर्षमा र्फकाउने गरि उक्त ऋिण लिन लागेको हो ।

बोलकबोल प्रक्रियाबाट बिक्री हुने सो ऋणपत्र खरिदको लागि बैंक तथा वित्तीय संस्था, गैर बैंक बित्तीय संस्था,बीमा कम्पनी,संगठित संस्था तथा नेपाली नागरिकले नेपाल राष्ट्र बैंकको राष्ट्र ऋण व्यवस्थापन विभागमा आवेदन दिनुपर्नेछ ।

इच्छुक खरीदकर्ता प्रतिस्पर्धी र अप्रतिस्पर्धी रुपमा सहभागी हुन सक्नेछन् । विकास ऋणपत्रका ब्याजदर भने बोलकबोलको माध्यमबाट निर्धारण हुनेछ भने अर्धवाार्षिक रुपमा ब्याज भुक्तानी हुने राष्ट्र बैंकले जनाएको छ । ऋणपत्र धितो राखी बैंक तथा वित्तीय संस्थाबाट कर्जा लिन तथा दोश्रो बजार मार्फत खरिद बिक्री गर्न पनि सकिन्छ ।

२०७८ असार २१ गते प्रकाशित