काठमाडौँ । खानी खाला हाइड्रोपावर कम्पनीको सेयर मूल्यमा कारोबार फुकुवा भएकै दिन आज सकरात्मक सर्किट लागेको छ । साताको दोस्रो कारोबार दिन कम्पनीको सेयर मूल्यमा १० प्रतिशतले वृद्धि भएको हो ।

कम्पनीको मूल्यमा २५ रुपैयाँले वृद्धि भई सर्किट लाग्दा कम्पनीको सेयर मूल्य आज २७५ रुपैयाँ पुगेको छ । यस्तै यो दिन कम्पनीको ३७ लाख ५८ हजार २७४ रुपैयाँ बराबरको सेयर कारोबार भएको छ । कम्पनीको सोमबार १३ हजार ६९२ कित्ता सेयर खरिदबिक्री भएको हो ।

नेपाल स्टक एक्सचेञ्ज(नेप्से)ले वित्तीय विवरणहरु पेश नगरेको भन्दै गत जेठ २० गतेदेखि कोरोबार रोक्का गरिदिएकोमा आजदेखि फुकुवा भएको हो ।
कम्पनीले गत जेठ २६ गते कम्पनीको लगइनबाट नेप्सेको वेबसाइटमा लगानीकर्ता र सरोकारवाला निकायहरुले अध्ययन गर्न सक्ने गरी अपलोड गरेकाले नेप्सेले कारोबार फुकुवा गर्ने निर्णय गरेको हो ।

कम्पनीले जेठ २३ गते चालू आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको थियो ।

२०७८ जेठ ३१ गते प्रकाशित