काठमाडौँ । महालेखा नियन्त्रक कार्यालयले सरकारी वित्त प्रणाली ‘एलएमबीआइएस’, एकल खाता कोष प्रणाली ‘टीएसए’ र ‘सीगास’बीच एकिकरण गर्दै‘ रियल टाइम’ एकीकृत सरकारी वित्त प्रणाली सञ्चालनमा ल्याएको छ ।

यो फिचर्सद्धारा अर्थमन्त्रालयको ‘एलएमबीआइएस’ मार्फत् विनियोजन भएको बजेट सरकारी कार्यालयलाई खर्चका लागि अनुमति दिने र त्यसको भरौचर उठाउने काम एकैसाथ सम्पन्न गर्न सकिने छ ।

महालेखा नियन्त्रक मधुकुमार मरासैनी रियल टाइम प्रणालीले अर्थमन्त्रालयको बजेट व्यवस्थापन प्रणाली ‘एलएमबीआइएस’, कोष तथा लेखा नियन्त्रक कार्यालय मार्फत खर्च गर्ने प्रणाली ‘टीएसए’, र भौचर उठाउने कम्प्यूटराइज्ड सरकारी लेखा प्रणाली’ ‘सीगास’लाई रियल टाइम प्रणालीभित्र एकीकरण सम्पन्न भएको बताए । उनले थपे ‘अब तीन खाता मध्ये कुनै पनि खातामा गरिएको प्रविष्टिको विवरण एकै साथ तीन वटै प्रणालीमा जानेछ ।’

‘सरकारी लेखा प्रणालीको तीन वटा खाता मध्ये कुनै एउटामा परिवर्तन हुनेसाथ तीनै ठाउँमा सुचना जान्छ’ ‘अर्थमन्त्रालयले रकमान्तर गर्यो भने उक्त सुचना कम्प्यूटराइज्ड सरकारी लेखा प्रणाली’सीगास’सम्म पुग्ने भएकाले चिठीपत्र पठाउनुपर्ने झन्जट हुँदैन।’–उनले भने ।

सरकारी वित्त प्रणाली रियल टाइममा सञ्चालन भएसँगै यसले सरकारी सेवा प्रभावकारी बनाउने र लागत तथा समय कम गर्न मद्दत गर्ने छ । महालेखा नियन्त्रकको कार्यालयले विगत १ वर्षदेखि उक्त खाताहरूबीच एकीकरण गरी सञ्चालनमा ल्याउनका लागि आवश्यक तयारी गरिरहेको थियो ।

२०७८ जेठ ३१ गते प्रकाशित