काठमाडौँ । नेपाल राष्ट्र बैंकका गभर्नर महाप्रसाद अधिकारीले शैक्षिक प्रमाणपत्र(सर्टिफिकेट) लिएर बैंकमा जाँदैमा मात्रै २५ लाख ऋण पाइन्छ भन्नु गलत धारणा रहेको बताएका छन् । नाफिजले आज आयोजना गरेको कार्यक्रममा अधिकारीले सर्टिफिकेट बोलेर बैंकमा जाँदैमा मात्रै शैक्षिक कर्जा नपाईने बताएका हुन् ।
शैक्षिक कर्जा कुनै भिजन अर्थात योजना, उद्देश्य र त्यसको साथमा योजनाको प्रभावकारीलाई हेरेर दिइने बताउँदै कोही माग्न आयो भने उसलाई दिइ हाल्ने नभएको स्पष्ट पारेका हुन् । उनले भने ‘कोही माग्न आयो भने उसलाई दिई हाल्ने होइन, यसको लागि योजना, उद्देश्य, चाहिन्छ, त्यो प्रभावकारी छ भने पाउन सकिन्छ । त्यो पनि एकै पटक पाउने होइन आवश्यक परेको बेला दिने मात्रै हो ।’

अधिकारीले यसले पार्ने असरको विषयमा पनि छलफल सुरु भएको बताए । त्यसको लागि अहिले राष्ट्र बैंकले २ वटा टाक्सफोर्स बनाए काम गरिरहेको उनको भनाइ छ । एउटाले अर्थ र अर्कोले नीजि क्षेत्रसँग छलफल सुरु गरेको छ ।

सरकारले आगामी आर्थिक वर्ष २०७८–७९ को बजेटमा स्नातक तह उतीर्ण गरेका विद्यार्थीका लागि शैक्षिक प्रमाणपत्र धितो राखेर २५ लाखसम्म सहुलियतपूर्ण कर्जा दिने व्यवस्थ गरेको छ ।

उनका अुनसार सहुलियत पूर्ण कर्जामा केही गलत प्रयोग भएको गुनासो आएको भन्दै त्यस्तालाई कारबाहीको दायरामा ल्याउने बताए । उनले पुर्नकर्जाका लागि आफूसँग आउनु नपर्ने र अहिले रिपेमेन्ट पनि ठूलो रकमको भएको छ । सिएसआर र पुनकर्जाको १ करोड भन्दा बढीको तथ्याङक सार्जननिक गर्ने बताए ।

२०७८ जेठ २४ गते प्रकाशित