काठमाडौँ महानगरले गर्यो ३ वर्षको आय–व्यय प्रक्षेपण, आम्दानीभन्दा खर्च दोब्बरको अनुमान
वि.सं.२०८२ माघ १ बिहीवार
काठमाडौँ । काठमाडौँ महानगरपालिकाले आगामी तीन आर्थिक वर्षका लागि आय–व्यय प्रक्षेपण सार्वजनिक गरेको छ।
आज महानगरकी उपप्रमुख तथा राजस्व परामर्श समितिकी संयोजक सुनिता डङ्गोलको अध्यक्षतामा बसेको बैठकले आन्तरिक आयका स्रोत, राजस्वको दायरा र खर्चको लेखाजोखा गर्दै तीन वर्षे आय–व्यय प्रक्षेपण गरेको हो।
बैठकले आर्थिक वर्ष २०८३र८४ का लागि १५ अर्ब १३ करोड ३० लाख ५५ हजार, आव २०८४र८५ का लागि १५ अर्ब ५१ करोड ८१ लाख ६० हजार र आव २०८५र८६ का लागि १५ अर्ब ९८ करोड ८६ लाख ६५ हजार रुपैयाँ आय अनुमान गरेको छ।
महानगरका अनुसार आर्थिक वर्ष २०८१र८२ को यथार्थ आय १० अर्ब ७४ करोड ४४ लाख ५४ हजार रुपैयाँ रहेको छ। चालु आर्थिक वर्षका लागि १५ अर्ब ११ करोड ४३ लाख ४१ हजार रुपैयाँ आय लक्ष्य राखिएकोमा हालसम्म ५ अर्ब ६९ करोड रुपैयाँ राजस्व सङ्कलन भएको छ।
चयथब िष्लाष्भमिन्द िबमअबिककष्अतभअज क्ष्अभ बलम बम
व्ययतर्फ भने आव २०८३र८४ का लागि २७ अर्ब ६२ करोड ५७ लाख ७५ हजार, आव २०८४र८५ का लागि ३० अर्ब ३८ करोड ८३ लाख ५२ हजार र आव २०८५र८६ का लागि ३३ अर्ब ४२ करोड ७१ लाख ८७ हजार रुपैयाँ खर्च अनुमान गरिएको छ।
बैठकमा आम्दानी र खर्चको तुलनात्मक विश्लेषण गर्दै उपप्रमुख डङ्गोलले आयले खर्च नियन्त्रण गर्ने प्रणाली स्थापित गर्नुपर्नेमा जोड दिनुभयो। उहाँले आय–व्यय प्रक्षेपणलाई यथार्थपरक बनाउन तेस्रो पक्षबाट अध्ययन गरी आधार, तथ्य र व्यवहारिकता सुनिश्चित गर्नुपर्ने सुझाव दिनुभयो।
स्थानीय सरकार सञ्चालन ऐन, २०७४ अनुसार स्थानीय तहमा स्रोत अनुमान तथा निर्धारण समितिको व्यवस्था रहेको छ। समितिले आन्तरिक आय, राजस्व बाँडफाँट, अनुदान, ऋण तथा अन्य आम्दानीको प्रक्षेपण गर्दै बजेट सीमा निर्धारण र सन्तुलित वितरणको खाका तयार गर्ने गर्दछ।
प्रकाशित समय : ११:१० बजे
