काठमाडौं । एनआईसी एशिया लघुवित्तले कम्पनिले तोकेको समयमा ब्याज बुझाउनेलाई १० प्रतिशत छुट दिएको छ । हाल नेपालमा कोरोना भाइरसको संक्रमण रोकथाम गर्न लगभग नेपालभरि नै बन्दाबन्दीको अवस्था रहेको छ । वर्तमान बन्दाबन्दीको अवस्थाले मुलुकको उद्योग, कलकारखाना, व्यापार, व्यवसाय, पर्यटन लगायत वित्तीय क्षेत्रमा समेत गहिरो प्रभाव परिरहेको छ ।

यस असहज परिस्थितिमा गा्रहकहरुलाई केहि मात्रामा भएपनि सहयोग गर्ने अभिप्रायले २०७८ बैशाख मसान्तभित्र भुक्तानी गर्नुपर्ने सम्पुर्ण बक्यौता रकम (साँवा र ब्याज) बैशाख २४ गते देखि ३१ गते सम्ममा बुझाएमा गा्रहकलाई ब्याज रकममा १० प्रतिशत छुट प्रदान गर्ने योजना बैशाख तेस्रो सातामा सार्वजनिक गरेको थियो ।

सोही अनरुप सार वक्यौता तिर्ने १७९ शाखा कार्यालयहरुका ४,६७६ ऋणी सदस्यहरुले यस योजनामा सहभागी भएको कम्पनिले जनाएको छ । उक्त योजनामा सहभागी भएबापत ग्राहकले १५,१८,२०२.४७ छुट पाएको कम्पनिले जनाएको छ । कम्पनिको मुलुकभर ६९ जिल्लामा २४७ शाखा कार्यालय मार्फत सेवा प्रदान भैरहेको छ ।

२०७८ जेठ १७ गते प्रकाशित