नेप्सेमा ४५ अंकको पहिरो, कारोबार रकम पनि ओर्लियो
वि.सं.२०७८ जेठ १७ सोमवार
काठमाडौँ । साताको दोस्रो कारोबार दिन नेप्से परिसूचक ४५.०७ अंकले घटेर २७८२.८६ को विन्दूमा ओर्लिएको छ ।
दिनभर कारोबारमा आएका २१८ कम्पनीको ३ करोड ८ लाख ८८ हजार ६५ कित्ता सेयर किनबेच हुँदा १३ अर्ब ९० करोड ९१ लाख १३ हजार बराबरको कारोबार भएको छ ।
आज सबैभन्दा धेरै राधी विद्युत कम्पनीका लगानीकर्ताले कमाएका छन् । कम्पनीका लगानीकर्ता ९ दशमलव ९८ प्रतिशतका दरले कमाएका हुन्। सेन्ट्रल फाइनान्सका लगानीकर्ताले ९ दशमलव ९१ प्रतिशतका दरले कमाएका छन् । नारायणी डेभलपमेन्ट बैंकका लगानीकर्ताले ७ दशमलव ४३ प्रतिशतका दरले कमाएका छन् ।
त्यस्तै, लुम्बिनी विकास बैंकको ४० करोड २१ लाख रुपैयाँको शेयर करोबार भएको छ । आज कम्पनीको शेयर मुल्य २४ रुपैयाँले बढेर ४ सय रुपैयाँ कायम भएको छ । हाइड्रोइलेक्ट्रीसिटीको ३२ करोड ७५ लाख रुपैयाँको शेयर कारोबार भएको छ । कम्पनीको शेयर मुल्य २ रुपैयाँले घटेको छ ।
नेपाल पुनर्बीमाको ३२ करोड रुपैयाँको शेयर कारोबार भएको छ । कम्पनीको शेयर मुल्य ३८ रुपैयाँले घटेको छ ।
२०७८ जेठ १७ गते प्रकाशित
प्रकाशित समय : १०:२५ बजे
