अब बैंकहरुले ५० हजारभन्दा तलको निक्षेप नगदमा नलिने
वि.सं.२०७८ वैशाख ३० बिहीवार
काठमाडौं । वाणिज्य बैंकहरुले ५० हजारभन्दा तलको निक्षेप नगदमा अब स्वीकार नगर्ने भएको छ ।
न्यून रकमको जम्मा गर्न आउने तथा डिम्याट खोल्न आउने भिड बढेपछि बैकर्स संघको बिहीबारको बैठकले ५० हजारभन्दा तलको निक्षेप नगदमा नलिने भएको हो ।
बैंकहरुका शाखाबाट अबदेखि अर्को सूचना जारी नहुँदासम्म खाताबाट रकम झिक्ने, ५० हजारभन्दा माथिको मात्र निक्षेप नगदमा लिने तथा,रकम स्थानान्तरण,चेक,आरटिजिएस,आइपीएस,विप्रेषण भुक्तानी तथा अन्तराष्ट्रिय व्यापारको काम हुने छ ।
बैकर्सं संघले बैठकले कोरोना भाइरस संक्रमण रोक्न अत्यावश्यक सेवा बाहेकका काम बन्द गर्ने निर्णय गरेको हो ।
२०७८ बैशाख ३० गते प्रकाशित ।
प्रकाशित समय : १३:३१ बजे
