२६ वैशाख, काठमाडौं–सिटिजन लाइफ इन्स्योरेन्स कम्पनीले चालु आर्थिक वर्षको तेस्रो त्रैमासमा सामान्य नाफा कमाएको छ । यो त्रैमासमा कम्पनीले १४ करोड ५७ लाख ४८ हजार कमाएको छ । जुन, गत आर्थिक वर्षको समिक्षा अवधिमा १४ करोड ३९ लाख २३ हजार रहेको थियो, जुन यो आर्थिक वर्षको तुलनामा १ दशमलव २७ प्रतिशतले कमि हो ।

यस्तै इन्स्योरेन्सले जीवन बीमा कोष १३८.०५ प्रतिशतले बढाउन सफल भएको छ । चालु आर्थिक वर्ष २०७७–७८ को चैत सम्मा कम्पनीले जीवन बीमा कोषमा तीन अर्ब एक करोड रुपैयाँ जम्मा गरेको छ, यस्तो कोषमा अघिल्लो वषको समिक्षा अवधिमा एक अर्ब २६ करोड रुपैयाँ संकलन गर्न सकेको थियो ।

कम्पनीका अन्य सूचकहरुमा पनि चमक नै देखिएको छ । जस्तै कम्पनीले कम्पनीको खुद बीमा शुल्क आर्जन पनि १०९ प्रतिशतले बढेको छ । चालु आर्थिक वर्षको समिक्षा अवधिमा खुद बीमा शुल्क २ अर्ब ४४ करोड रुपैयाँ आर्जन गरेको छ भने कम्पनीले गत वर्षको समिक्षा अवधिमा एक अर्ब १६ करोड रुपैयाँ मात्रै आर्जन गरेको थियो ।

कम्पनीले हालसम्म ६ अर्ब २ करोड २८ लाख रुपैयाँ कुल बीमा शुल्क आर्जन गरेको छ । यस वर्षको कुल बीमा शुल्क आर्जन भने २ अर्ब ४८ करोड रुपैयाँ छ ।
यसरी नै प्रकाशित वित्तिय विवरण अनुसार कम्पनीको दिर्घकालिन कर्जा लगानी ११ प्रतिशतले बढेको देखिन्छ । कम्पनीले दिर्घकालिन क्षेत्रमा तीन अर्ब ८३ करोड रुपैयाँ लगानी गरेको छ । कम्पनीले समिक्षा अवधिसम्मा ३७ करोड ८५ लाख ५७ हजार दाबी भुक्तानी गरेको छ ।

विभिन्न क्षेत्रमा कर्जा लगानी गरेर मात्रै २१ करोड ५७ लाख रुपैयाँ आम्दानी गर्न सफल भएको छ । कम्पनीको चुक्ता पूँजी एक अर्ब ७५ करोड रुपैयाँ छ भने जगेडा कोषमा ७६ करोड रुपैयाँ जम्मा भएको छ ।